is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/32911

Titill: 
  • Virðisrýrnunarpróf á viðskiptavild. IAS 36
Námsstig: 
  • Bakkalár
Útdráttur: 
  • Viðskiptavild er gjarnan veigamikill liður sem bregður fyrir í efnahagsreikningum fjölmargra fyrirtækja. Viðskiptavild hefur undanfarin ár verið uppspretta ýmissa rannsókna um meðferð hennar og matsaðferðir, þá sérstaklega virðisrýrnunarprófa. Alþjóðlegi reikningsskilastaðallinn IAS 36 - Virðisrýrnun eigna fjallar meðal annars um meðferð viðskiptavildar í bókum félaga og ber fyrirtækjum á skipulegum verðbréfamarkaði að fylgja reglum staðalsins.
    Virðisrýrnunarpróf á viðskiptavild eru af mörgum talin mjög matskenndur liður við reikningsskil fyrirtækja. Þar sem ársreikningar eiga að gefa glögga mynd af afkomu félaga er óæskilegt að stór hluti þeirra byggist að miklu leyti á mati stjórnenda. Staðallinn hefur hlotið töluverða gagnrýni vegna þess frelsis sem hann veitir stjórnendum við framkvæmd prófanna ásamt því að hann þykir flókinn í sniðum og ekki á færi allra að framfylgja reglum hans. Hægt er að stjórna niðurstöðum prófanna með því að eiga við tilteknar breytur við framkvæmdina. Helstu breyturnar eru ávöxtunarkrafa við núvirðingu, langtíma hagvaxtarprósenta og vænt greiðsluflæði sjóðskapandi eininga.
    Þar sem virðisrýrnunarpróf þykja matskennd eru gerðar ríkar kröfur til fyrirtækja um ítarlegar skýringar í ársreikningum um þær forsendur sem byggt var á við framkvæmd prófanna. Fjárfestar hafa undanfarin ár óskað eftir enn frekari upplýsingagjöf í ársreikningum fyrirtækja. Því var svarað með breytingum á áritun endurskoðenda þar sem lykilþættir endurskoðunar eru útskýrðir og þar er viðskiptavild oftar en ekki til umfjöllunar. Lesendur ársreikninga búa því yfir betri upplýsingum um meðhöndlun viðskiptavildar en áður og geta því með áreiðanlegri hætti lagt mat á raunverulegt virði hennar.

Samþykkt: 
  • 13.5.2019
URI: 
  • http://hdl.handle.net/1946/32911


Skrár
Skráarnafn Stærð AðgangurLýsingSkráartegund 
Virðisrýrnunarpróf á viðskiptavild IAS 36 - Lilja Brandsdóttir.pdf457.35 kBOpinnHeildartextiPDFSkoða/Opna
Skemman - yfirlýsing - Lilja Brandsdóttir.pdf441.58 kBLokaðurYfirlýsingPDF