is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/32959

Titill: 
  • Skattspor: Íslenskur sjávarútvegur
  • Titill er á ensku Taxation on Icelandic fisheries
Námsstig: 
  • Meistara
Útdráttur: 
  • Markmið þessa rannsóknarverkefnis er að varpa ljósi á skattspor íslenska sjávarútvegsins. Lagt var upp með að gera samantekt á því hvað atvinnugreinin hefur borgað mikið í skatta og opinber gjöld síðustu ár. Í framhaldinu að leggja mat á hvaða áhrif aukinn skattur á fyrirtæki í sjávarútvegi getur haft á samkeppnishæfni landsins. Til að átta sig betur á stöðu íslenskra sjávarútvegsfyrirtækja voru einnig tekin saman gögn um arðsemi fyrirtækjanna og þau sett í samhengi við sjávarútveg í öðrum löndum. Að lokum var ákveðið að skoða ríkisstyrki í sjávarútvegi í heiminum til að átta sig betur á mismun í arðsemi milli landa.
    Í þessu rannsóknarverkefni er reynt að fá svar við eftirfarandi spurningu: Er skattspor íslenska sjávarútvegsins of stórt til að viðhalda samkeppnishæfni Íslands í greininni?
    Rannsóknin byggir á gögnum sem koma að mestum hluta frá Hagstofu Íslands, Deloitte á Íslandi, Ríkisskattstjóra, Fiskistofu Íslands og Seðlabanka Íslands ásamt gögnum frá erlendum hagstofum og stofnunum.
    Helstu niðurstöður rannsóknarinnar eru þær að íslenskur sjávarútvegur hefur verið og er samkeppnishæfur í dag. Neikvæð þróun hefur þó verið í greininni síðustu ár. Arðsemi hefur lækkað og samanburður við önnur lönd hefur versnað. Síðustu ár hefur atvinnugreinin greitt að meðaltali um tíu milljarða króna árlega í sértæka skatta á meðan mörg samkeppnislönd í sjávarútvegi hafa fengið ríkisstyrki sem telja í tugum milljarða króna. Niðurstöður rannsóknarinnar benda enn fremur til að miklar sveiflur hafi verið á auðlindarentu í íslenskum sjávarútvegi síðustu ár og að hún hafi minnkað umtalsvert á síðustu árum. Til að viðhalda samkeppnishæfni landsins í sjávarútvegi þarf áframhaldandi framleiðniaukning að eiga sér stað í greininni með nýsköpun, aukinni þekkingu og pólitískum stöðuleika. Með umfram gjaldtöku í greininni sem tekur ekki mið af auðlindarentu hverju sinni er verið að setja samkeppnishæfni greinarinnar í hættu.

Samþykkt: 
  • 14.5.2019
URI: 
  • http://hdl.handle.net/1946/32959


Skrár
Skráarnafn Stærð AðgangurLýsingSkráartegund 
Skattspor - Íslenskur sjávarútvegur - Lokaútgáfa.pdf996.05 kBOpinnHeildartextiPDFSkoða/Opna
Skattspor - Íslenskur sjávarútvegur - Yfirlýsing.pdf40.07 kBLokaðurYfirlýsingPDF