Fjármálalæsi og skuldastaða ungs fólks

Abstract

Í þessari ritgerð verður leitast við að skoða fjármálalæsi hjá ungu fólki með tilliti til breyttrar skuldastöðu þess aldurshóps og velt upp hvort finna megi tengsl þar á milli. Gerð var rannsókn til að kanna fjármálalæsi og viðhorf til smálána meðal framhaldsskólanema á náttúruvísindasviði á lokaári sínu. Alls svöruðu 20 einstaklingar spurningakönnun sem lögð var fyrir þá. Í hópnum voru sjö karlar og þrettán konur. Rannsóknin var af félagsvísindalegum toga og var megindleg. Helstu niðurstöður voru þær að meira en helmingur nemenda var ekki viss um hvað hugtakið „fjármálalæsi“ merkir. Fjármálaþekking virtist vera frekar lítil og hafði meirihluti þátttakenda ekki fengið fræðslu um smálán. Nokkuð kom á óvart hvað viðhorf til smálána var jákvætt. Í niðurstöðum er skipting milli kynja skoðuð en vegna smæðar hópsins geta niðurstöður ekki talist marktækar.