en English is Íslenska

Thesis (Master's)

University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/32993

Title: 
  • Title is in Icelandic Arðsemi í íslenskri ferðaþjónustu: Greining fyrirtækja í einkennandi greinum ferðaþjónustu
  • Profitability in Icelandic tourism: Analysis of companies in the characteristic sectors of tourism
Degree: 
  • Master's
Abstract: 
  • Abstract is in Icelandic

    Íslensk ferðaþjónusta hefur vaxið mikið sem atvinnugrein á síðastliðnum árum og er í dag megin útflutningsgrein landsins. Ólíkt mörgum öðrum greinum er ferðaþjónustan saman sett af mörgum greinum sem allar hafa tekjur af því að þjónusta ferðamenn.
    Viðfangsefni ritgerðarinnar er greining á arðsemi í ferðaþjónustu á tímabili mikils uppvaxtar í greininni á árunum 2010 til 2017. Ferðamönnum fjölgaði ört á tímabilinu og var meðalfjölgun um 21,2% á ári.
    Arðsemisgreining felur í sér samanburð á arðsemi fyrirtækja innan atvinnugreina og á milli greina í ferðaþjónustu. Arðsemin er fundin út með því að reikna kennitölur út frá ársreikningum fyrirtækja og gögnum frá Hagstofu Íslands.
    Helstu niðurstöður rannsóknarinnar eru þær að arðsemi í ferðaþjónustu var slök í upphafi og lok tímabils, árin 2010 og 2017. Heilt yfir var arðsemin góð og jókst árin 2013 til 2016 á sama tíma og fjöldi ferðamanna óx mikið.
    Mikill tekjuvöxtur átti sér stað innan einkennandi greina ferðaþjónustu á tímabilinu eða um 11,7% að meðaltali á ári. Hagnaðarhlutfall er að meðaltali 4,3% yfir tímabilið og er nokkuð stöðugt. Hagnaðarhlutfall rekstrar er að meðaltali 5,8% en eykst nokkuð á árunum 2014 til 2016 en lækkar árið 2017. Athyglisvert er að eiginfjárhlutfall einkennandi greina ferðaþjónustu vex jafnt og þétt yfir tímabilið. Í Upphafi tímabils árið 2010 er hlutfallið 10,1% en árið 2017 er það komið í 27,6%. Með hækkandi eiginfjárhlutfalli fer arðsemi eigin fjár lækkandi á tímabilinu, hlutfallið er að meðaltali 35,6% en lækkar til að mynda í 12,6% árið 2017. Það sama má segja um arðsemi eigna sem var að meðaltali 6,6% á tímabilinu en lækkaði í 3,5% árið 2017.
    Sérstaklega eru skoðaðar þrjár af einkennandi greinum ferðaþjónustu, það er hótel-, hópbifreiða- og bílaleigufyrirtæki. Nokkur munur var á arðsemi á milli einstakra fyrirtækja innan greina og áberandi munur er á milli atvinnugreinanna þriggja. Hagnaðarhlutfall og hagnaðarhlutfall rekstrar var hæst hjá bílaleigum og lægst hjá hópbifreiðafyrirtækjum. Þegar skoðuð er arðsemi eigna snýst dæmið hins vegar við þar sem hótel- og hópbifreiðafyrirtæki skila hæstu arðsemi á meðan bílaleigur skila mun lægri arðsemi. Arðsemi eigin fjár er hæst hjá bílaleigum og áberandi lægst hjá hópbifreiðafyrirtækjum. Eiginfjárhlutfallið er áberandi hæst hjá hópbifreiðafyrirtækjum og lægst hjá bílaleigum sem skýrir meðal annars háa arðsemi eigin fjár hjá bílaleigum og lága hjá hópbifreiðafyrirtækjum.

Accepted: 
  • May 14, 2019
URI: 
  • http://hdl.handle.net/1946/32993


Files in This Item:
Filename Size VisibilityDescriptionFormat 
Arðsemi í ferðaþjónustu - Steinar Helgason.pdf853.95 kBOpenComplete TextPDFView/Open
Yfirlýsing um meðferð á lokaverkefni.pdf47.47 kBLockedYfirlýsingPDF