Glugga- og hurðasmiðja SB ehf. Viðskiptaáætlun

Abstract

Glugga- og hurðasmiðja SB ehf. er trésmíðafyrirtæki sem sérhæfir sig í glugga- og hurðasmíði og hefur fyrirtækið starfað við góðan orðstír síðan það var stofnað árið 1974. Markmið þessa verkefnis var að kanna hvort það væri arðbært að enduropna fyrirtækið eftir að húsnæði þess brann árið 2018. Gerð var viðskiptaáætlun og mótaðist hún af viðurkenndum aðferðum og hugmyndafræði sem hefur verið kennd í Háskóla Íslands. Ritgerðin mun skera úr um hvort það sé fýsilegur kostur að enduropna fyrirtækið og litið verður á markaðs- og rekstarlegar forsendur til að hægt sé að sjá niðurstöður þessa verkefnis. Niðurstöður leiddu í ljós að það væri ekki einungis fýsilegur kostur að enduropna fyrirtækið heldur væri það einnig arðbært. Við markaðs- og samkeppnisgreiningu komst höfundur að því að fyrirtækið væri vel statt á markaðinum þrátt fyrir stærð hans. Samkeppnin var greind og rannsakað var hvort það stafaði einhver ógn af henni. Einnig var framkvæmd greining á innra og ytra umhverfinu, greint hvers konar ógnanir og tækifæri eru til staðar og hvort SB gæti nýtt sér það til hags. Höfundur telur að þetta verkefni geti orðið áhugavert og eru helstu niðurstöður þessa verkefnis að Glugga- og hurðasmiðja SB ehf. muni skila hagnaði fyrstu þrjú ár sín í rekstri.