is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/33043

Titill: 
  • Félagsþjónusta og samfélagsleg áföll. Viðbrögð félagsþjónustunnar í Árborg við Suðurlandsskjálfta og bankahruni 2008.
Námsstig: 
  • Meistara
Útdráttur: 
  • Hlutverk félagsþjónustu sveitarfélaga á tímum samfélagslegra áfalla er hvorki skilgreint sérstaklega í lögum um almannavarnir né heldur í lögum um félagsþjónustu sveitarfélaga. Markmið þessarar rannsóknar er að greina viðbrögð félagsþjónustu Árborgar í kjölfar Suðurlandsskjálftans þann 29. maí 2008 og bankahrunsins í október sama ár.
    Spurt er hvernig félagsþjónustan í Árborg brást við þessum áföllum og hvað var líkt og hvað ólíkt í viðbrögðum. Einnig er spurt hvernig þekking og sérhæfing félagsráðgjafar hafi verið nýtt í kjölfar þessara áfalla og hvort hana megi nýta með markvissari hætti í tengslum við samfélagsáföll. Kenningar sem lagðar eru til grundvallar eru kenningar um félagsauð, styrkleikanálgun og samfélagsvinnu en hún er ein af megin vinnuaðferðum félagsráðgjafar. Auk greiningar á stöðu þekkingar er gagna aflað með níu upplýsingaviðtölum við sérfræðinga sem voru, á einn eða annan hátt, þátttakendur á vettvangi í öðru eða báðum áföllunum árið 2008. Jafnframt var unnin skjalagreining til að auðga viðtalsgögnin og fá sem skýrasta mynd af atburðarásinni í kjölfar áfallanna. Stuðst er við greiningaraðferð frá Crisemart hópnum.
    Við samanburð á viðbrögðum félagsþjónustunnar í Árborg í kjölfar þessara tveggja áfalla vekur sérstaka athygli sá munur sem var á húsnæðisaðstoð við íbúa og gefa niðurstöður tilefni til frekari rannsókna á hlutverki félagsþjónustu sveitarfélaga á tímum samfélagslegra áfalla. Notkun leiðbeininga um viðbrögð við samfélagslegum áföllum reyndist mikilvæg og staðfestir mikilvægi þess að félagsþjónusta vinni eigin viðbragðsáætlun sem sé hluti af almannavarnaskipulagi. Þá benda niðurstöður til að þekkingu og starfsaðferðir félagsráðgjafa megi nýta mun betur en nú er gert við vinnu vegna samfélagslegra áfalla. Niðurstöðurnar geta haft hagnýtt gildi fyrir félagsþjónustu sveitarfélaga hér á landi og erlendis.
    Lykilhugtök: félagsþjónusta sveitarfélaga, félagsráðgjöf, samfélagsleg áföll, viðbragðsáætlanir, viðnámsþróttur, endurreisn.

  • Útdráttur er á ensku

    The role of local social services in times of disasters is not defined in the Icelandic civil protection Act nor in the Act on local social services. This research aims to analyse the response that Árborg‘s social services had to provide following the big earthquake (Suðurlandsskjálfti) on May 29. 2008 and the economic crisis in October the same year.
    Social services in Árborg were faced with two large, but very different disasters in a short period of time which will be interesting to compare and analyse. How did they respond to each event? What were the similarities and dissimilarities? These questions will be answered, along with how the knowledge and specifications of social work were utilised in the wake of each disaster and how acknowledged and proven methods of social work can be used under those kinds of circumstances with more efficiency. The theories applied revolve around social capital, strength approach and community work, which is one of the main methods of social work. In addition to analysing the level of knowledge, nine different experts that were involved in either one or both disaster responses, were interviewed. In order to enrichen the interview data and to get a clearer view of the scenario following each disaster, data analysis was put into practice. Crisemart’s analysis method was applied, as it has served well to analyse disaster management.
    When comparing the response of Árborg’s social services following the two disasters of 2008, the biggest noticeable difference is in housing aid for residents. This difference provides reason for further research in the role of local social services in times of disaster. The use of instructions for disaster response proved to be valuable and results indicate that the knowledge and methods of social workers can be better employed in times of disaster. The results can provide practical value for local social services locally, as well as globally.
    Key Concepts: local social services, social work, disasters, contingency plan, resilience, disaster recovery.

Samþykkt: 
  • 15.5.2019
URI: 
  • http://hdl.handle.net/1946/33043


Skrár
Skráarnafn Stærð AðgangurLýsingSkráartegund 
Ragnheiður Hergeirsdóttir MA ritgerð 2019 með forsíðu.pdf1.48 MBOpinnHeildartextiPDFSkoða/Opna
Skemma yfirlýsing.pdf465.27 kBLokaðurYfirlýsingPDF