Flökt í gengi krónunnar og áhrif á íslenskan ríkisskuldabréfamarkað

Abstract

Þessi ritgerð fjallar um áhrif flökts í gengisvísitölu á íslenskan ríkisskuldabréfamarkað á árunum 2005 til 2018. Áhrif flökts í gengisvísitölu á flökt í ávöxtunarkröfu skuldabréfavísitölu GAMMA, bæði verðtryggða- og óverðtryggða, voru könnuð með línulegri aðhvarfsgreiningu og fyrirliggjandi gögn voru notuð. Niðurstöður gáfu til kynna að þegar allt tímabilið var keyrt í gegn frá árunum 2005 til 2018, þá voru áhrifin tölfræðilega marktæk og var skýringarhlutfallið 58,10% fyrir áhrif flökts í gengisvísitölu á áhrif flökts í verðtryggðu skuldabréfavísitölu GAMMA. Skýringarhlutfallið var 48,20% fyrir áhrif flökts í gengisvísitölu á áhrif flökts í óverðtryggðu skuldabréfavísitölu GAMMA og eru þessar niðurstöður í samræmi við niðurstöður erlendra rannsókna sem voru notaðar við samanburð. Þegar tímabilinu var skipt niður í fyrir og eftir fjármálahrun, þá sýndu niðurstöður að áhrifin voru meiri fyrir hrun en eftir hrun, sem er þvert á niðurstöður erlendra rannsókna, en þær sýndu að áhrif flökts á skuldabréfamarkað jukust á tímabilinu eftir fjármálahrun. Lykilorð: Flökt, skuldabréf, vísitölur, ávöxtunarkrafa, gengi