Þróun rafrænnar matvöruverslunar á Íslandi

Abstract

Þessi ritgerð fjallar um þróun rafrænnar matvöruverslunar á Íslandi. Ástæður fyrir því að rafrænar matvöruverslanir eru ekki algengar á Íslandi voru kannaðar með rannsókn á fyrirliggjandi gögnum og rannsókn framkvæmd í formi spurningalista og viðtala. Tekin voru hálfstöðluð viðtöl við einstaklinga í stöðu framkvæmdastjóra, markaðsstjóra eða sambærilegum stöðum hjá fyrirtækjum sem þóttu viðeigandi fyrir þessa rannsókn. Niðurstöður viðtalanna gáfu innsýn og afhjúpuðu helstu tækifæri og hindranir sem fremstu seljendur matvöru á Íslandi þurfa að hafa í huga þegar ákvörðun hvort bjóða eigi upp á netverslun er tekin. Upplýsinga var einnig aflað með spurningalista, honum var dreift til almennings á rafrænu formi. Niðurstöður hans voru nýttar til að svara spurningum er varða álit neytenda á verslun á mat á netinu. Helstu niðurstöður leiddu í ljós að lítið hlutfall svarenda hafði notfært sér rafræna verslun á matvöru en 61% svarenda sem ekki höfðu notfært sér slíka verslun hafði áhuga á að nýta sér þjónustuna.