en English is Íslenska

Thesis University of Iceland > Verkfræði- og náttúruvísindasvið > Meistaraprófsritgerðir - Verkfræði- og náttúruvísindasvið >

Please use this identifier to cite or link to this item: http://hdl.handle.net/1946/3310

Title: 
  • is Eðli og eiginleikar smárra framhlaupsjökla á Tröllaskaga. Búrfellsjökull og Teigarjökull
Abstract: 
  • is

    Markmið þessarar rannsóknar var að afla gagna sem geta aukið skilning á hegðun
    Búrfellsjökuls og Teigarjökuls, sem eru smáir framhlaupsjöklar á Tröllaskaga.
    Rannsóknarvinnan var að mestu unnin árin 2007 – 2008 þegar gögnum var safnað um
    landmótunarumhverfi, framhlaupasögu og hegðun jöklanna.
    Megin drættir landmótunarumhverfis jöklanna eru settir fram í líkani fyrir
    framhlaupsjökla á Tröllaskaga, byggt á gögnum frá þessum tveim jöklum. Jökulgarðar sem
    myndaðir voru við framhlaup jöklanna eru flestir litlir og mynda einskonar þrep inn á
    urðarbynk alsettann haugaruðningi. Landmótunarumhverfið er frekar fábreytt samanborið
    við líkan Evans og Rea (2003) og er talið skýrast að hluta af fínefnasnauðu setumhverfi
    jöklanna. Talið er víst að sum landform hafi ekki myndast við framhlaup jöklanna, t.d.
    Stórurð við Búrfellsjökul, sem er túlkuð sem gamall grjótjökull afleiddur af jökli.
    Öll ummerki framhlaupa eru frá seinni hluta Litlu Ísaldar og virðast jöklarnir hafa
    hlaupið á um 30 – 60 ára fresti síðan þá. Ummerkjum eldri framhlaupa gæti hafa verið eytt
    af framhlaupum á Litlu Ísöld, þegar jöklarnir náðu mestri útbreiðslu á nútíma.
    Í framhlaupi Búrfellsjökuls árin 2001 – 2004 jókst flatarmál jökulsins um 16% við
    um 50 – 250 m framgang jökuljaðars. Efra svæði jökulsins þynntist að meðaltali um 18 m
    en neðra svæðið þykknaði um 16 m. Jökulhlaup í Búrfellsá markaði lok framhlaupsins árið
    2004. Talið er að jökulhlaupið hafi orsakast af því að vatn hafi þrýstst undan jöklinum er
    ísbylgja framhlaupsins náði jökulsporði.
    Afkoma dal- og skálarjökla í fjallaumhverfi eins og Tröllaskaga stjórnast helst af
    vetrarákomu, úrkomu, skafrenningi og snjóflóðum, og meðal sumarhita. Þó rúmmál beggja
    jöklanna hafi minnkað síðustu árin er Teigarjökull að byggjast upp fyrir nýtt framhlaup.
    Verði veðurfar svipað eða hlýrra í framtíðinni en síðustu 10 ár er líklegt að
    framhlaupavirkni minnki og jöklar á Tröllaskaga geti horfið á næstu 50 – 100 árum.

Accepted: 
  • Jan 4, 2009
URI: 
  • http://hdl.handle.net/1946/3310


Files in This Item:
Filename Size VisibilityDescriptionFormat 
Skafti_Brynjolfsson_fixed.pdf15.46 MBLockedHeildartextiPDF