is Íslenska en English

Lokaverkefni (Meistara) Háskóli Íslands > Verkfræði- og náttúruvísindasvið > Meistaraprófsritgerðir - Verkfræði- og náttúruvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/33255

Titill: 
  • Friðlýsing Breiðamerkursands. Leiðargildi Evrópusamnings um landslag.
Námsstig: 
  • Meistara
Efnisorð: 
Útdráttur: 
  • Allt frá því að fyrstu íslensku náttúruverndarlögin voru sett árið 1956 hefur landslag verið þýðingarmikill þáttur friðlýsinga hérlendis. Þó staða landslags hafi tekið nokkrum breytingum er hlutverk þess í náttúruvernd enn mikilvægt. Þjóðgarðar eru skýrt dæmi um verndun sem tekur mið af gildi landslags, ásamt fleiri þáttum. Vatnajökulsþjóðgarður er þar engin undantekning.
    Breiðamerkursandur er eitt þekktasta og fjölsóttasta svæði landsins. Ekki þarf þó að fara nema nokkra áratugi aftur í tímann til að við blasi allt annar veruleiki því langt fram á tuttugustu öldina var Breiðamerkursandur með fáförnustu svæðum landsins. Breytingar hafa einnig orðið á mörgum öðrum sviðum á Breiðamerkursandi, meðal annars vegna hraðrar þróunar í landmótun jökulsins á svæðinu. Í vissum skilningi má því segja að breytingar og andstæður einkenni Breiðamerkursand.
    Árið 2017 var stór hluti Breiðamerkursands friðlýstur og felldur undir Vatnajökulsþjóðgarð. Þar með komust málefni svæðisins í ákveðna höfn eftir nokkuð langvarandi tímabil óvissu. Vinna við gerð stjórnunar- og verndaráætlunar hófst í ársbyrjun 2019. Nokkrum vikum eftir að sú vinna fór af stað samþykkti ríkisstjórnin að Ísland fullgildi Evrópusamning um landslag.
    Í þessari rannsókn hafa viðhorf einstaklinga sem tengjast Breiðamerkursandi í gegnum atvinnustarfsemi verið skoðuð. Niðurstöður rannsóknarinnar sýna að viðmælendur leggja megináherslu á verndun náttúru svæðisins. Nálgun Evrópusamnings um landslag hefur verið mátuð við væntingar viðmælenda og aðstæður á Breiðamerkursandi. Dregin er sú ályktun að leiðir Evrópusamningsins séu gagnlegar til að mæta þeim áskorunum sem fylgja friðlýsingu Breiðamerkursands.
    Lykilorð: Landslag; náttúruvernd; friðlýsing; stjórnunar- og verndaráætlun; Evrópusamningur um landslag; Breiðamerkursandur; Vatnajökulsþjóðgarður.

Samþykkt: 
  • 28.5.2019
URI: 
  • http://hdl.handle.net/1946/33255


Skrár
Skráarnafn Stærð AðgangurLýsingSkráartegund 
Skemman_yfirlysing.pdf223.21 kBLokaðurYfirlýsingPDF
SigrunInga2019.pdf1.41 MBOpinnHeildartextiPDFSkoða/Opna