en English is Íslenska

Thesis University of Iceland > Heilbrigðisvísindasvið > Meistaraprófsritgerðir - Heilbrigðisvísindasvið >

Please use this identifier to cite or link to this item: http://hdl.handle.net/1946/3353

Title: 
  • is Af hverju hætta hjúkrunarfræðingar að starfa við hjúkrun?
Abstract: 
  • is

    Um heim allan hefur hjúkrunarfræðingum sem starfa við hjúkrun farið fækkandi og
    meðal margra þjóða verður mannnekla í heilbrigðiskerfinu sífellt stærra vandamál.
    Tilgangur þessarar rannsóknar er að kanna af hverju hjúkrunarfræðingar á Íslandi
    hætta störfum við hjúkrun og hvaða lausnir þeir sjá sjálfir á því hvað hægt er að gera
    svo þeir kjósi að starfa við hjúkrun.
    Um er að ræða eigindlega rannsókn sem byggist á viðtölum við tíu hjúkrunarfræðinga
    sem hafa hætt störfum við hjúkrun. Val á viðmælendum fór fram með snjóboltaúrtaki.
    Rannsókninni til stuðnings var farið ítarlega yfir sambærilegar erlendar rannsóknir svo
    og þær íslensku rannsóknir sem til eru um skort á hjúkrunarfræðingum og
    starfsánægju meðal þeirra.
    Niðurstöður rannsóknarinnar benda til þess að helstu ástæður þess að
    hjúkrunarfræðingar hætta að starfa við hjúkrun séu laun, vinnutími, álag í starfi,
    vaktavinna og misræmi á milli starfs og einkalífs. Þær lausnir sem hjúkrunarfræðingar
    sjá sjálfir á því hvað gera megi svo þeir kjósi að starfa við hjúkrun eru að víðtækar
    úrbætur þurfi varðandi þessa framangreindu þætti. Þessar niðurstöður eru í samræmi
    við skrif ýmissa fræðimanna um starfsgæði og mikilvægi þess að þau séu uppfyllt svo
    að starfsfólk kjósi að halda áfram störfum.
    Með því að hækka laun hjúkrunarfræðinga verulega og þá sér í lagi grunnlaun þeirra
    væri hægt að laða fleiri hjúkrunarfræðinga til starfa. Þannig myndi vandi vegna
    manneklu leysast og álag sem hlýst af yfirvinnu og aukavöktum minnka sem leiðir
    jafnframt af sér meira samræmi milli starfs og einkalífs. Sveigjanleiki í vinnutíma og
    aðkoma hjúkrunarfræðinga sjálfra að gerð vaktaáætlunar er einnig stór þáttur í vilja
    þeirra til að starfa við hjúkrun. Að mati hjúkrunarfræðinga má einnig bæta
    stjórnunarhætti á sjúkrahúsum og telja þeir jafnframt að stjórnvöld eigi mikinn þátt í
    þeim vanda sem íslenska heilbrigðiskerfið á við að etja hvað manneklu þeirra varðar.

Accepted: 
  • Oct 6, 2008
URI: 
  • http://hdl.handle.net/1946/3353


Files in This Item:
Filename Size VisibilityDescriptionFormat 
Sigridur_Edda_Hafberg_fixed.pdf523.65 kBOpenHeildartextiPDFView/Open