Er samfélagslegur ávinningur fyrir íslenskt samfélag af Frú Ragnheiði?

Abstract

Frú Ragnheiður er heilbrigðis- og nálaskiptiþjónusta á Íslandi. Meginmarkmið Frú Ragnheiðar er að halda fólki á lífi, koma í veg fyrir óafturkræfan skaða og auka lífsgæði einstaklinga sem nota vímuefni í æð. Nálaskiptiþjónusta er inngrip byggt á aðferðafræði skaðaminnkunar. Einstaklingar sem sækja þjónustu Frú Ragnheiðar búa almennt við skert lífsgæði og verri heilsufar en aðrir og nýta oft á tíðum mjög dýr heilbrigðisúrræði. Markmið verkefnisins er að komast að því hvort samfélagslegur ávinningur sé af Frú Ragnheiði með því að taka saman þann kostnað sem inngrip á spítala kosta sem hægt væri að koma í veg fyrir og bera saman við þann kostnað sem fer í Frú Ragnheiði. Með þjóðhagslega hagkvæmni í huga var kostnaðarnytjagreining kynnt og lagt til að gera nánari kostnaðargreiningu á Frú Ragnheiði með kostnaðarnytjagreiningu með það að markmiði að fá dýpri innsýn og svör við rannsóknarspurningunni. Niðurstöður benda til þess að samfélagslegur ávinningur sé af Frú Ragnheiði.