is Íslenska en English

Lokaverkefni (Meistara)

Háskólinn í Reykjavík > Tæknisvið / School of Technology > Med/MPM/MSc Tækni- og verkfræðideild (-2019) / School of Science and Engineering >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/33609

Titill: 
  • Eru verkfæri verkefnastjórnunar lykill að breyttum vinnubrögðum innan félagsþjónustu og barnaverndar til að ná fram skilvirkari vinnu og minnka álag?
Námsstig: 
  • Meistara
Útdráttur: 
  • Rannsóknin fjallar annars vegar um hvernig málastjórn er háttað innan félagsþjónustu og barnaverndar. Er reynt að varpa einhverju ljósi á það sem einkennir málastjórnunina og þá hvaða afleiðingar fylgja því að vinna við mál með þeim hætti sem málastjórn bíður upp á. Hins vegar er leitað svara við því hvort að verkfæri úr kistu verkefnastjórnunar geti hjálpað til við vinnslu mála varðandi flæði, ferla og álag á starfsfólk. Niðurstöðurnar gefa sterkar vísbendingar um að mörgu sé ábótavant við vinnubrögðin í dag. Mikið álag virðist fylgja vinnunni innan félagsþjónstu og barnaverndar og er vinnslan óskilvirk og lítið fer fyrir ferlun. Málin virðast vera unnin út frá tilfinningu hvers og eins málastjóra sem gerir að verkum að mismunandi þjónusta er í boði fyrir skjólstæðinga. Viðmælendur rannsóknarinnar hafa að einhverju leyti unnið með verkfæri verkefnastjórnunnar og beita þeim við vinnu sína í dag. Vísbendingar komu fram í niðurstöðum um að viðmælendur væru búnir að tileinka sér Agile vinnubrögð og jafnvel fundið sína útgáfu af Scrum sem virðist skapa meiri skilvirkni og flæði en áður. Þeir nýta einnig sjónrænt skipulag sem hefur gert að verkum að fyrr er brugðist við þegar mál koma upp eða áætlun gengur ekki eftir af einhverjum orsökum og virðist sem meiri ánægja sé hjá þeirra skjólstæðingum eftir að þeir tóku upp vinnubrögð sem áður hafa helst verið notuð af hugbúnaðarfyrirtækjum eða framleiðslufyrirtækjum. Rannsóknin var framkvæmd á vormánuðum 2019 og var notast við eigindlega aðferðarfræði við framkvæmd hennar.

Samþykkt: 
  • 13.6.2019
URI: 
  • http://hdl.handle.net/1946/33609


Skrár
Skráarnafn Stærð AðgangurLýsingSkráartegund 
Lokaútgáfa fyrir Skemmuna.pdf732.46 kBOpinnHeildartextiPDFSkoða/Opna