Ryð25

Abstract

Veðrun efna stafar af þeim krafti sem býr í snöggbreytilegum áttum veðursins, sem myndar rof milli hins manngerða og náttúrulega. Veðrunin gefur efninu líf sem hefur sína sögu að segja. Á Eden reitnum er aðsetur listamanna, þar sem rústir Eden eru miðpunktur. Rústirnar fá nýtt notagildi og nýtt upphaf. Bygging með vistarverum listamanna rís í kringum rústirnar sem ramma inn miðlægan garð. Rústirnar eru umvafðar gluggum byggingarinnar sem vefur sig utan um garðinn. Þakgluggar og inngarðar hleypa inn birtu. Byggingin er úr lífrænni steypu og lokuð að utanverðu, til að ná fram dulúð og firringu. Þegar komið er inn í bygginguna tekur við annar heimur. Fablab, vinnurými, kaffihús og gallerí með útsýni yfir og aðgengi að miðlægum garðinum inni í rústunum.