Klæðaburður hættulegra kvenna : búningar tálkvendisins í rökkur- og síðrökkurmyndum

Abstract

Í þessari ritgerð verður fjallað um tálkvendið (e. femme fatale) og það skoðað út frá búningum þess í kvikmyndum. Fyrri hluti ritgerðarinnar fjallar um búninga tálkvendisins í klassísku rökkurmyndunum Gilda (1946), Daman frá Shanghai (The Lady From Shanghai, 1947) og Úr fortíðinni (Out of the Past, 1947). Einnig verður fjallað um tálkvendið í svokölluðum síðrökkurmyndum (e. neo noir), en þær eru nýrri rökkurmyndir sem komu út á árunum 1980–2000. Síðari hluti ritgerðarinnar er helgaður búningum tálkvendisins í síðrökkurmyndunum Uppljóstrun (e. Disclosure, 1994), Banvæn hrifning (e. Fatal Attraction, 1987) og Ógnareðli (e. Basic Instinct, 1992). Áhersla verður lögð á það hvernig tálkvendið hefur þróast í gegnum tíðina og sömuleiðis reynt að varpa ljósi á þær samfélagsbreytingar sem áttu sér stað á tímum rökkurmynda og síðurökkurmynda, sér í lagi þegar kemur að baráttu kvennahreyfinga á tímabilunum. Og leitast er við að svara því hvernig og hvort samhengi sé á milli persónunnar tálkvendis í umræddum kvikmyndum og þeirra breytinga sem verða á stöðu kvenna í samfélaginu.