en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/3368

Title: 
  • Title is in Icelandic Vöruhús í miðborg Reykjavíkur
Abstract: 
  • Abstract is in Icelandic

    Í þessari ritgerð er fjallað um viðskiptahugmynd sem gengur út á að reisa hágæða vöruhús í miðborg Reykjavíkur með það að markmiði að efla mannlíf og verslun í miðborg Reykjavíkur auk þess að skila eigendum sínum arði af fjárfestingunni. Vöruhús þetta greinir sig einkum frá keppinautunum á markaðnum með því annarsvegar að það verður stór deildarskipt verslun sú eina sinnar tegundar í mið- og vesturhluta Reykjavíkur, og hinsvegar með nýjum áherslum í vöruframboði. Viðskiptahugmyndinni er lýst nánar í ritgerðinni og helstu forsendum þess að hún geti orðið að veruleika. Til að svo geti orðið þarf að rökstyðja ávinninginn af henni fyrir tveimur mikilvægum hagsmunaaðilum, það er fjárfestum sem leggja til fjármagn og borgaryfirvöldum sem fara með skipulagsvald miðborgarinnar. Í ritgerðinni eru þessi rök tekin saman. Gerð er greining á ytra umhverfi fyrirtækisins, bæði fjær- og nærumhverfi, til að draga fram hvaða efnahagslegar, markaðslegar, menningarlegar og samfélagslegar forsendur þurfa að koma til svo að viðskiptahugmyndin gangi upp. Lagt er mat á þróun þeirra menningarlegu, efnahagslegu, markaðslegu þátta sem mestu skipta fyrir þessa viðskiptahugmynd í náinni framtíð, til að sjá hvaða tækifæri til vaxtar og þróunar og líka mögulega ógnanir megi vænta fyrir þessa viðskiptahugmynd í framtíðinni. Tekin eru saman menningasöguleg, samfélagsleg og umhverfisleg rök fyrir því að yfirvöld borgar og skipulagsmála greiði fyrir að þessi hugmynd geti orðið að veruleika. Niðurstaða verkefnisins er að viðskiptahugmyndin feli í sér mögulega mikil tækifæri bæði sem viðskiptatækifæri fyrir fjárfesta og eins tækifæri til að stórefla mannlíf og lífsgæði í miðborg Reykjavíkur.

Accepted: 
  • Oct 10, 2008
URI: 
  • http://hdl.handle.net/1946/3368


Files in This Item:
Filename Size VisibilityDescriptionFormat 
Anna_Thorhallsdottir_Forsida_og_agrip_fixed.pdf11.6 kBOpenForsíða, útdrátturPDFView/Open
Anna_Thorhallsdottir_fixed.pdf512.54 kBOpenMeginmálPDFView/Open