Íslenska efnasafnið

Abstract

Íslenska efnasafnið er safn áþreifanlegra efna sem rekja má til dýra, jurta og steinda.Hér á landi hefur verið takmörkuð iðnframleiðsla úr staðbundnum hráefnum. Þrátt fyrir það er til staðar mikil þekking á hráefnum hjá einstaklingum sem hafa þróað sín sértæku efni og vinnslu þeirra. Það er líkt og efnið sjálft verði hluti af sjálfsmynd þess sem skapar það.Það er mikilvægt að horfa til möguleika staðbundinna hráefna. Með því eykst meðvitund okkar um uppruna efna og varpar einnig ljósi á fjölbreytileika þeirra. Þetta á einkum við hráefni sem við höfum hingað til litið framhjá og ekki þótt verðmæt.