is Íslenska en English

Lokaverkefni (Bakkalár)

Listaháskóli Íslands > Tónlistardeild / Department of Music > Lokaritgerðir / Theses (BA, B.Mus.) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/33775

Titill: 
  • Tár mín : saga Barböru Strozzi, söngkonu og tónskálds
Námsstig: 
  • Bakkalár
Leiðbeinandi: 
Útdráttur: 
  • Í þessari ritgerð verður fjallað um ítölsku söngkonuna og tónskáldið Barböru Strozzi, en hún var uppi á sautjándu öld. Tónlistarlíf Ítalíu á hennar tíma verður skoðað, en margar nýjar tónlistargreinar og stílar í tónlist voru að koma fram á sjónarsviðið, sérstaklega í söngtónlist. Þessar nýju tónlistargreinar og stílar voru til að mynda ópera, kantata, mónódía, framsagnarstíll eða söngles og fylgibassi. Einnig verður fjallað um nokkur hljóðfæri sem algeng voru í söngtónlist tímabilsins, til að mynda lútu og sembal. Þá verður sérstaklega fjallað um konur í þeim karllæga heimi sem ríkti á þessum tíma og skoðað hvort þær hafi haft tækifæri til tónlistarsköpunar líkt og karlarnir. Markmiðið með ritgerðinni er að fræðast almennt um kventónskáld frá þessu tímabili, en Barbara Strozzi er eitt þekktasta kventónskáldið frá sautjándu öld. Fjallað verður um ævi hennar og þau tónverk sem hún samdi. Þá verður sérstaklega tekið fyrir eitt tónverk eftir hana, en það er kantatan „Lagrime mie“ fyrir sópran og fylgibassa. Í ritgerðinni er tilraun gerð til að draga saman upplýsingar úr mismunandi heimildum í von um að öðlast yfirgripsmeiri og heildrænni sýn á stöðu kvenna í tónlist á þessu tímabili. Helstu niðurstöður ritgerðarinnar eru þær að fyrr á öldum hafi konur ekki fengið sömu tækifæri og karlar til þess að koma hæfileikum sínum á sviði tónlistar á framfæri. Breytingar á því hafa í gegnum tíðina verið hægar, en nú í seinni tíð hefur veruleg þróun orðið í þeim efnum. Barböru tókst að gefa út flest tónverk sín á meðan hún var á lífi, en konur úr lægri stéttum en hún hefðu líklegast ekki haft tök á því. Ljóst er að konur hafa þurft að leggja hart að sér til þess að ná þeirri stöðu fram að hafa tækifæri til að koma tónverkum sínum og tónlistarhæfileikum á framfæri með sambærilegum hætti og karlar.

  • Útdráttur er á ensku

    Barbara Strozzi was an italian singer and composer. Barbara lived in Venice, Italy in the seventeenth century. In this study the music from that period in Italy will be discussed. Many new genres of music were seen in Italy in that period, especially in works for solo voice. Examples of these new genres are opera, cantata, monodia and recitative. A few instruments that were popular at this time for works composed for the voice will furthermore be introduced, for example the theorbo and harpsichord. This period in the music history was a men dominated world. In this study the main focus will be on the women of the period. The aim of this study is to research a woman composer from the period. Barbara Strozzi is one of the most famous women composers from the Seventeenth Century. Her story and her compositions will be discussed. The main focus will be on one composition by her, “Lagrime mie, ”which is a cantata for voice and basso continuo. Results of the study show that in earlier times women were not provided with as many opportunities as men in showing their talents in music and in music making. Through the centuries change in that field has been very slow, and only now in the twenty-first century we can finally see a big change. Barbara was able to publish most of her music in her lifetime, but women from a lower social class would perhaps not have been able to do the same. It has not been easy for women to get to this point, but nowadays women are seen in different branches of the music industry. This can be seen as a very important step towards gender equality in the music world.

Samþykkt: 
  • 18.6.2019
URI: 
  • http://hdl.handle.net/1946/33775


Skrár
Skráarnafn Stærð AðgangurLýsingSkráartegund 
B.Mus ritgerð Sandra Lind Þorsteinsdóttir.pdf839.78 kBOpinnHeildartextiPDFSkoða/Opna