Leikir í íþróttakennslu : leikir til upphitunar

Abstract

Þetta lokaverkefni er unnið til B.Ed prófs við kennaradeild á hug- og félagsvísindasviði Háskólans á Akureyri, vorið 2019. Lokaverkefnið er í tveimur hlutum, annars vegar greinagerð og hins vegar leikjahandbók.Leitast var við að finna svör við spurningunum hvers vegna er upphitun mikilvæg í íþróttakennslu og af hverju leikir? Upphitun er mikilvægur þáttur í byrjun allra íþróttatíma. Hún getur aukið árangur og komið í veg fyrir meiðslahættu. Upphitun getur verið tvenns konar, annars vegar virk og hins vegar óvirk. Með virkri upphitun er átt við líkamlega hreyfingu. Óvirk upphitun er hins vegar þegar notast er við hitagjafa eins og t.d. heitt vatn. Mikilvægt er að hita upp þá vöðva sem eru aðalþættir kennslustundarinnar. Algengasta upphitunar aðferðin er virk upphitun.Við komumst að því að leikir geta verið einstaklega góð leið til upphitunar. Leikir geta verið margskonar eins og einstaklingsleikir, hópleikir, liðaleikir, knattleikir, útileikir o.s.frv. Með leikjum fá einstaklingar tækifæri til að prófa sig áfram, gera mistök og tilraunir. Leikir hafa þann kost að henta flestum vegna þess að það er hægt að ná til þeirra sem alla jafna vilja ekki vera með. Leikir eru áhugahvetjandi og í þeim þróa börn með sér mál- og hugleikni og hreyfi- og félagshæfni. Flestum nemendum finnst gaman að fara í leiki og kunna betur við kennara sem fara með þeim í leiki. Ef að kennari vill kynnast nemendum sínum betur og á öðruvísi hátt er talað um að leikir séu góð leið til þess. Kennari sem fer með nemendur sína í leiki getur laðað það besta fram í þeim. Leikir geta haft áhrif á líkamlega færni s.s. hreyfifærni, hraða, kraft, jafnvægi, fimi, lipurð, viðbragðsflýti og úthald.Með greinagerðinni fylgir leikjahandbók með ýmsum leikjum. Markmiðið með handbókinni er að auðvelda aðgengi að leikjum til að nýta við íþróttakennslu. Það ætti að vera auðvelt að fletta upp skemmtilegum leikjum sem veita góða alhliða upphitun fyrir komandi verkefni í tímanum. Leikirnir eru flokkaðir eftir tegundum, s.s. boltaleikir, hlaupaleikir, fim- og áhaldaleikir, hópeflisleikir og útileikir.

This paper is presented as part of the requirements for the degree of Bachelor of Education at the Faculty of education at the University of Akureyri, spring 2019. This final project is in two parts, an analysis and a game manual.This paper seeks to answer the questions why is it important to warm up in sports lessons and why games? Warm-up is an important part of all sports. It can improve performance and prevent injury. There are two types of warm-ups, active and inactive. Active warm-up refers to physical exercise. Inactive warm-ups refer to when a heat sources such as e.g. hot water is used as a warm-up. It is important to warm up the muscles that are the main components of the exercise during the lessons. The most common warm-up method is active heating. We found out that games can be great way to warm up. There are many types of games such as individual games, group games, team games, ball games, outdoor games, etc. With games the participant is given an opportunity to experiment, make mistakes and experience. Games have the advantage of being suitable for most people because they can make those who usually do not want to participate to want to join the game. Games are motivational and with them children developed language, thoughts, movement and social skills. Most students like to play games and like a teacher who plays games with them. Games are good a way for a teacher to get to know their students better in different ways. Games can bring out the best in students. Games can affect physical skills, e.g. motor skills, speed, power, balance, dexterity, agility, alertness and endurance. With this analysis there is a game manual included with different types of games. The aim of the manual is to grant access to games that teachers can take advantage of in sports lessons. It should be easy to look up fun games that provide good universal warming for upcoming projects. The game manual is categorized e.g. ball games, running games, gymnastics and crib games, team games and outdoor games.