is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/33893

Titill: 
  • Fæðingarþunglyndi feðra : enginn er eyland
Námsstig: 
  • Bakkalár
Útdráttur: 
  • Fæðingarþunglyndi hefur verið mikið í umræðunni undanfarin misseri og hefur orðið mikil vitundarvakning í þjóðfélaginu um sálarlíf nýbakaðra foreldra. Þessi tegund þunglyndis getur skotið upp kollinum hjá foreldrum í kjölfar þess að þeir eignast barn. Yfirleitt er einblínt á mæður þegar talað er um fæðingarþunglyndi en raunin er sú að depurð og vanlíðan getur einnig lagst á feður.
    Það að koma nýju lífi í heiminn er töfrandi og mögnuð upplifun fyrir flesta nýbakaða foreldra, hvort sem um er að ræða fyrsta barn eður ei. Mæður eru ansi merkilegar verur og ljóst er að þær eiga skilið skilyrðislausa aðdáun fyrir sinn veigamikla þátt í því kraftaverki sem barnsfæðing er. Hlutverk feðra er oftast nær að standa á hliðarlínunni og fylgjast með, sem hlýtur að vera magnþrungið.
    Ástæða þess að þetta ritgerðarefni var valið, er að rannsakendum finnst þurfa að vekja athygli á hlutverki feðra og þeim flóknu viðfangsefnum sem kunna að fylgja því. Einnig vilja rannsakendur opna augu lesenda ritgerðarinnar fyrir því að nýja hlutverkið, föðurhlutverkið, getur tekið á sálarlíf feðra rétt eins og mæðra.
    Markmið ritgerðarinnar er að varpa ljósi á andlega líðan feðra ekki síður en mæðra. Undanfarin ár hefur orðið vitundarvakning í íslensku samfélagi hvað varðar hugsanlegt fæðingarþunglyndi feðra. Málefnið hefur komið inn á borð landlæknis og ljóst er að þörf er á frekari umræðu um það. Í ritgerðinni er sjónum beint að fæðingarþunglyndi almennt. Auk þess er grafist fyrir um hvort og hvernig feður takast á við fæðingarþunglyndi og hverjar leiðirnar séu fyrir foreldra til að takast á við þann vanda. Staðalímynd karlmennskunnar er sú, að karlmenn eigi að harka af sér. Aftur á móti getur það reynst þungur kross að bera fyrir karlmenn sem takast á við flóknar tilfinningar.
    Niðurstöður ritgerðarinnar eru að depurð og vanlíðan sem geta vaknað hjá feðrum sem eignast börn, hefur hlotið litla athygli. Ein af leiðunum fyrir feður til að takast á við þessar tilfinningar er að tjá sig í meira mæli en almennt tíðkast, enda alþekkt vandamál að karlmenn beri harm sinn í hljóði.
    Lykilorð: fæðingarþunglyndi, þunglyndi, feður, vanlíðan, depurð, karlmennska.

  • Útdráttur er á ensku

    Postpartum depression has been of great discussion globally over the past years and there has been increased knowledge of the mental state of new parents who are undertaking a new responsibility in a demanding role. This particular type of depression, i.e. postpartum depression, can occur with parents following the birth of their child. In most cases the main focus is on the mothers when talking about postpartum depression but the reality is that sadness and distress can also torment fathers.
    Bringing life into this world is a magical and wonderful experience for most parents, whether it be their first child or not. Mothers are remarkable beings and the admiration they deserve for bringing a new life into the world should be limitless. The role of being a father,
    standing on the sideline and not being able to help the mother, in any other way than with supporting is a difficult task and must in most cases be extremely dramatic. The reason for choosing this essay topic, is that researchers believe that the subject needs to be examined in greater detail and the hope is to open the readers eyes to the complex
    subjects of postpartum depression in fathers. The demanding role of fatherhood can lay heavy on men, just as motherhood can with women.
    The main objective of this essay is to shed light on the psychological state of fathers, as well as mothers. In recent years, there has been a great resurgence of discussion in the Icelandic society about postpartum depression in fathers, the matter has been addressed by health authorities and the need for a discussion on the matter is urgent. This essay focuses on postpartum depression in general, in addition to researching whether and how fathers deal with depressive symptoms following the birth of their child and by what manner they, as well as mothers, can get help. The stereotypical image of men and masculinity, is that they should toughen up and battle through their problems, which has proven to be a heavy burden on many fathers dealing with difficult emotions.
    The conclusion of this essay is that distress and sadness in fathers has been a neglected subjects through the years. One of the ways for fathers to deal with these difficult feelings is to talk about their emotions more than they have in previous years and decades, for it is clear that men hide their true emotions.Keywords: postpartum depression, depression, fathers, distress, sadness, masculinity.

Samþykkt: 
  • 19.6.2019
URI: 
  • http://hdl.handle.net/1946/33893


Skrár
Skráarnafn Stærð AðgangurLýsingSkráartegund 
Fæðingarþunglyndi feðra - Ester Líf og Marín.pdf443.36 kBOpinnHeildartextiPDFSkoða/Opna