Heima[r]

Abstract

Mér hefur lengi verið hugleikið að auka á einhvern hátt tengsl okkar mannfólksins við umhverfi okkar. Ég tel að hugmyndir Descartes um aðskilnað huga og líkama hafi gert það að verkum að í nálgun okkar mannfólksins á tilvist okkar sé ákveðin hugsanarvilla, sem er fólgin í því að við sjáum okkur ekki sem hluta af umhverfi okkar. Þetta í bland við aftengingu nútímasamfélags við þá ferla sem við beytum í tilvist okkar svo sem slátrun dýra o.s.frv., er að ég tel meginástæða þess umhverfisvanda sem við stöndum nú frammi fyrir. Ég tel því að grunnurinn í að finna lausn við þessum vanda sé að horfa í ferla umhverfis okkar, gera framleiðsluferla sýnilegri og þannig tengjast umhverfi okkar með sterkari hætti. Með því munum við bera meiri virðingu fyrir því og hugsa með ríkari hætti um afleiðingar gjörða okkar. Heima[r] varpar ljósi á hulinn heim örvera sem er allt í kringum okkur, hvernig við getum horft í lífferla þeirra og leitað leiða sem vinna með ferlum umhverfisins. Til þess sæki ég tækni og þekkingu til annara menningarheima, nýti hana í staðbundnu samhengi og sé þannig mitt eigið nærumhverfi í nýju ljósi.