is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed./B.S. verkefni >

Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/34015

Titill: 
  • Hvetjandi stjórnun, vinnuálag og starfsánægja : áhrif hvetjandi stjórnunar á vinnuálag og starfsánægju
Námsstig: 
  • Bakkalár
Útdráttur: 
  • Hvatning og stuðningur yfirmanna eru mikilvægir þættir í ýmsum stjórnunarkenningum. Rannsóknir sýna fram á að á vinnustöðum þar sem slík stjórnun er viðhöfð geti hún haft jákvæð áhrif á starfsánægju undirmanna en einnig minnkað neikvæð áhrif ýmissa þátta í starfsumhverfinu á borð við of mikið vinnuálag. Markmið þessarar rannsóknar var að skoða áhrif slíkrar stjórnunar við íslenskar aðstæður á vinnuálag og starfsánægju. Rannsóknin var megindleg og unnin upp úr gögnum Hjördísar Sigursteinsdóttur úr rannsókninni: Heilsa og vellíðan á vinnustað frá árinu 2015. Sendur var út spurningalisti og alls svöruðu honum 5464 einstaklingar frá 16 sveitarfélögum og var svarhlutfall 65,3%. Gögnin voru skoðuð út frá aldri og kyni með þessa þrjá þætti í huga þ.e.a.s hvetjandi stjórnun, vinnuálag og starfsánægju. Enn fremur voru skoðuð tengsl milli hvetjandi stjórnunar og vinnuálags og starfsánægju.
    Rannsóknarspurningin var eftirfarandi: „Hvaða áhrif hefur hvetjandi stjórnun á vinnuálag og starfsánægju“? Niðurstöður leiddu í ljós að hvetjandi stjórnun hefur veik neikvæð tengsl við vinnuálag sem þýðir að hvetjandi stjórnun getur minnkað neikvæð áhrif vinnuálags. Einnig sýndu niðurstöðurnar miðlungs jákvæð tengsl milli hvetjandi stjórnunar og starfsánægju sem gefur til kynna að hvetjandi stjórnun auki starfsánægju. Ef niðurstöður fyrir kynin eru skoðuð þá má sjá að konur mælast hærri á öllum þremur þáttunum sem til skoðunar voru. Þær upplifa oftar hvetjandi stjórnun og meiri starfsánægju en karlar en einnig oftar mikið vinnuálag. Yngsti aldurshópurinn, 30 ára og yngri reyndist oftar upplifa hvetjandi stjórnun en hinir aldurshóparnir og einnig sjaldnar mikið vinnuálag. Mest var svo starfsánægjan hjá tveimur elstu hópunum eða því fólki sem var komið yfir fimmtugt. Þessar niðurstöður benda til að hvetjandi stjórnun hafi jákvæð áhrif á líðan starfsfólks á vinnustað og sé eitthvað sem stjórnendur ættu að skoða nánar með það í huga að mögulega sé hægt að auka starfsánægju og draga úr vinnuálagi á vinnustaðnum með meiri stuðningi og hvatningu við starfsfólkið.
    Lykilhugtök: Hvetjandi stjórnun, vinnuálag, starfsánægja.

  • Útdráttur er á ensku

    Motivation and support from superiors are important factors in many leadership and management theories. Research shows that such theories tend to have a positive effect on job satisfaction where they are employed, as well as mitigating effects from negative aspects of the work environment such as excessive workload. The objective of this study was to examine the effects of such leadership behavior in the Icelandic work environment. The research was quantitative and used data from Hjördís Sigursteinsdóttir longitudinal study “Health and well-being in the workplace” from the year 2015. An electronic questionnaire was sent out to employees of 16 different municipalities which 5464 answered or 65,3%. We examined this data for motivating supervision, workload and job satisfaction, while taking gender and age differences into account. Furthermore, we looked at the correlation between these three factors. The results indicate weak but significant correlation between motivating superior behavior and subordinate perceived workload and medium correlation between motivating superior behavior and job satisfaction. Women feel they get more support and motivation from their superiors than men, and they also have more perceived workload and job satisfaction. Employees under 30 years old feel they get more support and motivation from their superiors than other age groups and have less perceived workload. People over 50 years old are more satisfied than other age groups. These results indicate that motivation and support from superiors has a positive effect on subordinates and is something that management can apply in order to increase job satisfaction and decrease perceived workload.
    Keywords: Motivating superiors, workload, job satisfaction.

Samþykkt: 
  • 20.6.2019
URI: 
  • http://hdl.handle.net/1946/34015


Skrár
Skráarnafn Stærð AðgangurLýsingSkráartegund 
hvetjandi_stjornun_vinnualag_og_starfsanaegja (1).pdf1.03 MBOpinnHeildartextiPDFSkoða/Opna