is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34069

Titill: 
  • Aðstaða til verklegrar náttúrufræðikennslu í grunnskólum : út frá sjónarmiði nokkurra kennara
Námsstig: 
  • Bakkalár
Leiðbeinandi: 
Útdráttur: 
  • Verklegar æfingar eru mikilvægur þáttur í náttúrufræðikennslu því náttúruvísindin sem slík eru að mestu leyti reynsluvísindi og með ýmsum athugunum og tilraunum í gegnum tíðina höfum við aflað okkur þekkingar á náttúrunni. Til þess að stuðla að merkingarbærri verklegri kennslu er mikilvægt að kennarar hafi greiðan aðgang að góðri aðstöðu þar sem verkleg kennsla getur farið fram. Þessi rannsókn fjallar um aðstöðu til verklegrar náttúrufræðikennslu á unglingastigi í grunnskólum og hugmyndir kennara um hana. Farið var í vettvangsheimsóknir í fjóra skóla á höfuðborgarsvæðinu til að kanna aðstöðu og tekin voru viðtöl við þá náttúrufræðikennara sem þar störfuðu. Aðstaðan til verklegrar kennslu var skoðuð, kannað hvaða áhrif hún hefur á umfang verklegrar kennslu og framkvæmd og kannaðar hugmyndir kennara um fyrirmyndaraðstöðu til verklegrar vinnu. Niðurstöður rannsóknarinnar gefa til kynna að aðstaða til verklegrar kennslu sé mismunandi eftir skólum. Þrír kennarar virtust hafa ásættanlega aðstöðu en töldu margt mega betur fara. Þeir leggja áherslu á að hafa eins mikla verklega kennslu og þeir hafa tök á og eru almennt ánægðir með aðstöðuna. Þá hafði einn kennari slæma aðstöðu og segist notast lítið við verklegar æfingar. Hann telur að miklar breytingar verði að eiga sér stað til að bæta aðstöðu sína. Allir kennararnir voru sammála um að fyrirmyndaraðstaða hefði nægt rými, gott úrval áhalda og tækja, nægt fjármagn til kaupa á búnaði, greiðan aðgang að birgjum og síðast en ekki síst að skólinn veiti þeim gott svigrúm til að halda uppi verklegri kennslu. Rannsókn þessi á að geta nýst þeim aðilum og stofnunum sem koma að náttúrufræðikennslu til að vekja athygli á mikilvægi aðstöðu til verklegrar kennslu.

Samþykkt: 
  • 24.6.2019
URI: 
  • http://hdl.handle.net/1946/34069


Skrár
Skráarnafn Stærð AðgangurLýsingSkráartegund 
B.Ed_lokaverkefni_hsi6.pdf546.6 kBOpinnHeildartextiPDFSkoða/Opna
yfirlysing.pdf1.3 MBLokaðurYfirlýsingPDF