Útikennsla í samfélagsgreinum á Íslandi og Svíþjóð : rýni í aðalnámskrár grunnskóla

Abstract

Markmið þessa verkefnis var að greina með hvaða hætti áhersla á útikennslu birtist í samfélagsgreinum í aðalnámskrám grunnskóla á Íslandi og Svíþjóð. Greining námskrána fór annars vegar fram með endurteknum lestur þeirra til að fá heildaryfirlit yfir áherslur ísamfélagsgreinum og hins vegar fór fram orðaleit þar sem leitað var að algengum hugtökum tengdum útikennslu. Helstu niðurstöður rannsóknarinnar eru að námskrárnar fyrir samfélagsgreinar á Íslandi og Svíþjóð eru með svipuðum grunntón sem leggur áherslu á að nemendur læri að láta sig varð nærumhverfi sitt og samfélag og taki þátt sem virkir borgarar í lýðræðisríki. Ramminn sem sænskir kennarar fá til að fylgja er talsvert ítarlegri en sá íslenski og virðast íslenskir kennarar hafa meira frelsi til að móta áherslur í sinni kennslu, ekki bara um aðferðir heldur líka inntak. Hins vegar virðist munur á námskránum í samfélagsgreinum með hliðsjón af útikennslu helst birtast í því að hugtök tengd útikennslu koma oftar fyrir í þeirri íslensku, hugtök tengd reynslu nemenda og upplifun oftar í þeirri sænsku og samfélagsgreinar fá meira rými í þeirri sænsku en þeirri íslensku.