Er margföldunartaflan málið? : hvernig kunnátta í margföldunartöflunni gagnast nemendum á unglingastigi grunnskóla

Abstract

Markmið þessa verkefnis er að skoða hvernig það hjálpar nemendum á unglingastigi að kunna margföldunartöfluna og hvar þeir nýta hana. Í upphafi er fjallað um nám í margföldunartöflu og þá kosti sem færni í henni hefur. Síðan eru dæmi í íslenskum kennslubókum greind til að komast að því hvar nemendur geta nýtt sér margföldunartöfluna. Rannsóknarspurning í verkefninu er: Hvernig hjálpar kunnátta í margföldunartöflunni nemendum á unglingastigi að leysa verkefnin sem þeir fást við. Niðurstaða greiningar gefur það til kynna að nauðsynlegt sé að nemendur kunni margfeldi töflunnar og geti nýtt sér þau í námi á unglingastigi. Það eykur skilning og sparar tíma. Kennarar ættu því að leggja áherslu á það að rifja margföldunartöfluna upp með nemendum sínum þegar þeir hefja nám á unglingastigi.