Ég lærði svo mikið án þess að taka eftir því : starfendarannsókn á innleiðingu samvirks náms í kennslu

Abstract

Rannsókn mín er starfendarannsókn (e. action research) þar sem ég leitast við að varpa ljósi á mína eigin kennsluhætti. Áhersla er lögð á að skoða þær hindranir sem ég hef staðið frammi fyrir á fyrsta kennsluári mínu og hvort ég geti með hjálp nýrrar kennslunálgunar yfirstigið þessar hindranir. Meginmarkmið starfendarannsóknarinnar er að athuga hvort kennslunálgunin samvirkt nám sé leið til þess að auka virkni nemenda í notkun markmálsins í kennslustund. Rannsóknarspurningarnar sem leitast verður við að svara eru eftirfarandi: Hvernig er hægt að virkja nemendur til að tala og nota markmálið í kennslustofunni í dönskukennslu? Hvernig er hægt að koma til móts við nemendur með mismunandi þarfir í dönskukennslu? Niðurstöðurnar byggja á dagbókarskrifum mínum og nemenda minna ásamt opnum viðtölum sem ég átti við nemendur meðan á rannsóknartímanum stóð. Niðurstöður leiddu í ljós að kennslunálgunin samvirkt nám hefur áhrif á virkni nemenda í notkun markmálsins í dönskukennslu. Notkun markmálsins var af skornum skammti fyrir rannsóknartímann og einkenndist þá aðallega af einstaka orðum en ekki heilum setningum. Þegar rannsóknartíma lauk var markmálið orðið helsti samskiptamáti í kennslustundum, og orðaforði hafði aukist. Einnig var skoðað hvort hægt væri að koma til móts við mismunandi þarfir nemenda í dönskukennslu. Samvirkt nám byggist á hópavinnu þar sem allir nemendur innan hópsins hafa sitt hlutverk. Niðurstöður leiddu í ljós að hægt er að koma til móts við mismunandi þarfir nemenda, en það getur þó reynst erfitt í einhverjum verkefnum. Með samvirku námi er verið að nálgast námsefnið í gegnum leiki og hreyfingu. Sérstaða samvirks náms byggist einna helst á því að með notkun kennslunálgunarinnar minnkar námslegt bil milli nemenda og allur nemendahópurinn fylgist að í verkefnum. Niðurstöður sýndu einnig fram á að með innleiðingu samvirks náms breyttist skólabragur til muna.

This thesis contains the results of research which was intended to improve my own teaching methods. The first aim of the thesis is to see if Cooperative Learning (CL) is a way for students to be more involved in using the language being taught in the classroom. The main object of the research is to answer two fundamental research questions. First, is it possible for students to be more involved in using the target language in the classroom? Second, how can teachers differentiate their language teaching? The outcome showed that CL has a positive influence on the students’ involvement in using the language taught in the classroom. Before the research period, the students did not use the target language a lot, and when they did they only used a few words, not complete sentences. When the research period was completed, the target language was used as the main communication language in the classroom, Also, the students had expanded their vocabulary considerably. The thesis also explores the opportunities for teachers to help students who have learning difficulties in the Danish classroom. CL is based on group work where all students in the group have their own roles. The results of thesis will show that while it is possible for teachers to help some students, it can be difficult in some situations with specific learning difficulties. With CL students learn through the use of games and activities. Utilizing the CL structure ultimately decreases the differences in learning difficulties between students because in the student group all students rely on each other to accomplish tasks. Finally the resultes of the thesis show that by using CL structures several positive changes in the atmosphere of the classroom can be achieved.