Besti bekkur í heimi? : stuðlað að góðum bekkjaranda meðal framhaldsskólanemenda

Abstract

Markmið þessa verkefnis er að setja fram hugmyndir fyrir starfsfólk framhaldsskóla um hvernig hægt sé að efla bekkjaranda. Verkefnið skipist í tvo hluta annars vegar greinagerð og hins vegar handbók. Handbókin er ætluð tómstunda- og félagsmálafræðingum, kennurum, námsráðgjöfum og öðrum sem starfa innan framhaldsskóla. Mikilvægt er að opna augun fyrir andlegri vellíðan nemenda og er það undir starfsfólki komið að nemendum líði vel innan bekkjarins. Í handbókinni verða sett fram verkefni sem gott er að styðjast við til þess að efla bekkjaranda.Í greinagerðinni verður farið yfir þroskakenningar, mótun sjálfmyndar, vináttu og einelti. Einelti og félagsleg útskúfun er alvarlegt vandamál sem veldur andlegri vanlíða einstaklinga. Leiðbeinendur þurfa að vera meðvitaðir um hvernig best er að mynda samheldni innan bekkjarins. Því verður farið yfir hópakenningar og hópaþróunarkenningar þar sem mikilvægt er að leiðbeinendur átti sig á hvernig hópurinn er samansettur og hvernig hópur þróast á jákvæðan hátt. Í lok greinargerðar verður fjallað um ýmsar leiðir sem gott er að notast við til þess að auka samheldni innan hóps og efla jákvæð samskipti innan bekkjar.