Fagbók starfsmannsins : okkar vinna, þeirra frítími

Abstract

Þetta er lokaverkefni til BA-gráðu úr tómstunda- og félagsmálafræði frá Háskóla Íslands. Verkefnið er tvískipt, annars vegar greinargerð þar sem sett eru fram rök fyrir mikilvægi og gildi fagbókar og fjallað er um fræðilegar forsendur og lykil hugtök. Hinn hluti verkefnisins er fagbók sem ætluð er starfsfólki félagsmiðstöðva til að horfa inn á við og ígrunda sjálfa sig sem fagmenn í starfi. Börn og unglingar hafa miklar mætur á starfsfólkinu í sinni félagsmiðstöð og líta jafnvel á þau sem „mikilvæga aðra“. Okkur fannst þörf á að búa til fagbók fyrir starfsfólk sem gæti auðveldað þeim starfið og ýtt undir frekari fagmennsku í félagsmiðstöðvum. Starfið felur í sér mun meira en bara það ,,að leika sér í vinnunni‘‘. Samband ungmenna við þessa svokölluðu „mikilvægu aðra“ er frábrugðið sambandi þeirra við foreldra sína eða skólafélaga. Í greinargerðinni förum við yfir mikilvægi þess að nýta frítíma á uppbyggilegan hátt, fjöllum um mikilvægi tómstunda, færum rök fyrir gildi fagbókar fyrir starfsmenn, förum yfir fagmennsku og skoðum formlegt,- hálfformlegt og óformlegt nám og önnur hugtök sem tengjast tómstundafræðinni. Í Fagbók starfsmannsins leggjum við áherslu á starfsmanninn sjálfan, hans helstu gildi og skyldur og drögum fram hagnýt ráð um ábyrgð, samskipti og trúnað