Mikilvægi foreldra í forvörnum

Abstract

Þessi ritgerð fjallar um mikilvægi foreldra í forvörnum gegn vímuefnaneyslu unglinga. Fréttir af ótímabærum dauðsföllum vegna vímuefnaneyslu berast okkur alltof oft og því er mikilvægt að sinna forvörnum eins vel og við getum. Allir þættir í umhverfi unglinga þurfa að vinna saman en sú vinna hefst oftar en ekki á heimilum hjá foreldrum eða forráðamönnum. Það er mikilvægt að foreldrar geri sér grein fyrir hlutverki sínu í lífi unglinga og hafi í huga allt það sem þeir geta gert til þess að forða þeim frá vímuefnaneyslu. Verkefnið skiptist í tvo hluta, greinargerð og handbók. Í greinargerðinni er efnið sett í fræðilegt samhengi, hugtök skilgreind og gert grein fyrir rannsóknum á sviðinu. Handbókin er ætluð foreldrum og tekur saman það sem foreldrar þurfa að hafa í huga þegar kemur að því að forða unglingum frá vímuefnaneyslu.