Kryptó,pönk og pólitík

Abstract

Í þessum skrifum verður leitast við að svara spurningunni hvort að nýr samfélagssáttmáli sé að myndast í kjölfari stafrænna tækninýjunga, eins og bálkakeðjutækninnar (e. Block chain technology) og gervigreindar. Markmið skrifanna er að kanna hvort stafrænar tækninýjungar hafa áhrif á stjórnmál. Tilgátan er sú að einstaklingurinn hafi yfirfært valdaframsal sitt, vísað í samfélagssáttmála kenningar, frá ríkinu yfir til nýtækni, sem komi til með að breyta hugmyndum okkar um ríkisvald og lýðræði. Helstu niðurstöður eru þær, að vísbendingar eru til staðar um að einstaklingar séu í auknum mæli að færa persónulegt vald sitt frá ríkinu yfir til nýtækni eins og rafmynta, bálkakeðjutækni og gervigreindar. Hins vegar væri oftúlkun að segja að nýr samfélagssáttmáli væri að myndast. Aðrar niðurstöður eru þær að stafrænar tækninýjungar hafa áhrif á stjórnmál og kalli á breytingar á efnahagskerfum heimsins. Þá eru vísbendingar um að hlutverk ríkisins komi til með að breytast og huga þurfi að regluverki til að tryggja tekjustofna ríkisins.