Ljósanótt í Reykjanesbæ : viðhorf og upplifun íbúa og þátttakenda

Abstract

Fjölskyldu- og menningarhátíðin Ljósanótt í Reykjanesbæ fagnar 20 ára afmæli árið 2019. Í ljósi bókunar menningarráðs Reykjanesbæjar um að láta kanna viðhorf bæjarbúa til hátíðarinnar annars vegar og hins vegar um að móta stefnu fyrir hátíðina tók rannsakandi ákvörðun um að framkvæma slíka viðhorfsrannsókn ásamt því að gera tilraun til að mæla og greina þá upplifun sem þátttakendur í hátíðinni verða fyrir. Til verksins var notast við EES kvarðann (e. Event Experience Scale) sem er nýlegt mælitæki hannað til að mæla upplifun á viðburðum og er í notkun víða um heim til að afla aukinna gagna um viðfangsefnið (Richards, Toepoel og Geus, 2015). Að auki var reynt að leggja mat á ýmis önnur áhrif af völdum hátíðarinnar svo sem félagsleg áhrif. Rannsóknaraðferðin var í formi tveggja spurningakannana og gætti mikils samræmis í niðurstöðum sem voru þær helstar að mikill meirihluti þátttakenda reyndist mjög eða frekar ánægður með hátíðina. Flestir þátttakendur álitu hana hafa jákvæð áhrif á ímynd bæjarins auk ýmissa jákvæðra samfélagslegra áhrifa svo sem aukinnar samkenndar á meðal íbúa. Þá taldi rúmur helmingur þátttakenda að áhrifa hátíðarinnar gætti lengur en hún varði, að hún hefði haft jákvæð áhrif á líðan þeirra og að hún gerði Reykjanesbæ að betri stað til að búa á. Upplifun af þrennum toga mældist: tilfinningaleg, vitsmunaleg og líkamleg. Nokkra athygli vakti, í ljósi annars mjög jákvæðra niðurstaðna, að upplifun mældist að meðaltali fremur hlutlaus. Möguleg skýring er sú að flestir gesta hátíðarinnar eru fastagestir sem taka þátt í hátíðinni árlega. Niðurstöðurnar eru gagnlegt innlegg inn í framtíðarstefnumótun hátíðarinnar. Að mati rannsakanda er Ljósanótt auðlind sem býr yfir möguleikum til að gefa enn frekar af sér.Lykilorð: Upplifun, hátíð, viðburður, Ljósanótt, Reykjanesbær

The Family and Cultural Festival Ljósanótt (e. Night of Lights) in Reykjanesbær celebrates its 20th anniversary in 2019. In view of the Reykjanesbær committee of culture’s decision to examine the inhabitants’ opinions on the festival, as well as formulating a policy for it, the researcher decided to conduct such a survey and furthermore to make an attempt to measure and define the experience the event brings to people. The tool used was the relatively new Event Experience Scale which is being applied in various places across the world in order to collect more data on the subject (Richards et.al., 2015). Additionally an attempt was made to measure other influences such as social ones. The research method included two questionnaires and the results proved to be consistent for the most part and indicated that the vast majority of participants proved to be very or relatively content with the festival. They believed it contributed to improving the town‘s image as well as having various positive social effects such as enhanced sympathy among locals. Over half of the participants felt that the influence of the festival lasted longer than the festival itself, that it had had positive effects on their feelings and that it made Reykjanesbær a better place to live in. Three dimensions of experience were measured: affective, cognitive and conative. It is notable, in light of otherwise very positive results that the experience measured was on average evaluated relatively neutral. A possible explanation is that the majority of the attendants are locals who are regulars and attend every year. The results are a practical input into the festival‘s policy making. In the researcher‘s opinion The Night of Light festival is a resource that still has a lot to offer.Keywords: Experience, festival, event, The Night of Lights Festival (Ljósanótt), Reykjanesbær