,,Hérna á Íslandi er þetta einhvern veginn meira svona nauðsyn'' Notkun og ávinningur íslenskra karlmanna af Grinder

Abstract

Samfélagsmiðlar hafa gjörbreytt lífi fólks í nútímanum. Stór hluti lífs þeirra fer nú fram á Internetinu og samfélagsmiðlunum sem það hefur alið af sér. Í ritgerð þessari eru áhrif og notkun stefnumótaforritsins Grinder meðal íslenskra, samkynhneigðra karlmanna tekin til athugunar. Grinder er kynntur sem félags-kynferðislegur vettvangur fyrir samkynhneigða menn. Rannsókn er framkvæmd með kenninguna um notkun og ávinning (e. uses and gratifications) að leiðarljósi. Tuttugu prófílar eru teknir til skoðunar. Myndbirting og textabirting er greind til þess að greina ástæður notkunar og ávinnings sem notendur sækjast eftir og viðtöl við notendur Grinder veita frekari innsýn í reynsluheim notenda. Niðurstöður benda til þess að kynferðisleg tjáning sé í fyrirrúmi hjá íslenskum notendum Grinder, í samspili við félagslega þætti. Rannsóknum er sérlega ábótavant á viðfangsefninu.