is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28213

Titill: 
  • Ofhitnun í ferðaþjónustu : nýtt hrun í vændum?
Námsstig: 
  • Bakkalár
Leiðbeinandi: 
Útdráttur: 
  • Ferðaþjónustan hefur á skömmum tíma orðið stærsta útflutningsgrein landsins. Vöxturinn sem við þekkjum í dag hefur verið stigvaxandi frá árinu 2010 og ferðaþjónustan hefur átt stóran þátt í uppbyggingu efnahagskerfisins hér á landi eftir hrun. Auknar gjaldeyristekjur hafa styrkt gengi krónunnar og þar af leiðandi lækkað verð á innfluttum vörum landsmönnum til heilla. Það eru margs konar tækifæri fyrir íslenskt samfélag sem fylgja vaxandi ferðaþjónustu, en það má ekki gleyma að áskoranir eru engu síðri. Með auknum vexti ferðamanna koma upp ný vandamál í bæði samfélagi og umhverfi.
    Í þessari ritgerð verður fjallað um ábatann sem hefur orðið til vegna aukinna umsvifa í ferðaþjónustu sem og þau hagrænu vandamál sem fylgja. Það verður stuðst við raundæmi til þess að sýna áhrif skyndilegrar stöðvunar í komu ferðamanna. Einnig verður fjallað um fjárfestingar innan ferðaþjónustu og skoðað hvernig þær hafa aukist undanfarin ár. Komið verður inn á stöðu mála á Keflavíkurflugvelli og ólík sjónarmið varðandi hlutverk ríkisins í rekstri hans. Ábyrgð stjórnvalda varðandi viðgang greinarinnar er mikil og felst í að tryggja að ferðaþjónustan komi landsmönnum til góða á komandi árum í stað þess að skilja eftir sig sviðna jörð. Ef hægt verður að tryggja að ferðaþjónustan verði sjálfbær á komandi árum eru forsendur fyrir því að greinin muni eiga sinn þátt í auknum lífsgæðum landsmanna.

Samþykkt: 
  • 13.6.2017
URI: 
  • http://hdl.handle.net/1946/28213


Skrár
Skráarnafn Stærð AðgangurLýsingSkráartegund 
Ofhitnun í ferðaþjónustu. Nýtt hrun í vændum.pdf1.25 MBOpinnHeildartextiPDFSkoða/Opna