Bændasamtök Íslands: Samráðshyggja á Íslandi

Abstract

Hagsmunasamtök brúa bilið á milli almennings og ríkisins og eru af mörgum talin mikilvægur liður í frjálslyndum lýðræðisríkjum. Hagsmunasamtök eru ólík eins og þau eru mörg og misjafnt er hversu mikil áhrif þau hafa á opinbera stefnumótun. Bændasamtök Íslands eru regnhlífasamtök hagsmunaaðila í landbúnaði sem vinna í nánu samstarfi við íslensk stjórnvöld að stefnumótun og stefnuframkvæmd opinberra mála sem varða landbúnað.Frá því að skipulögð hagsmunabarátta aðila í landbúnaði hófst fyrst á Íslandi hefur hún að hluta til verið rekin fyrir opinbert fé og sinnt verkefnum fyrir hönd stjórnsýslunnar. Tilgangur þessarar ritgerðar er að fjalla um sögu og hlutverk Bændasamtakanna og greina samband þeirra við stjórnvöld út frá klassískum kenningum. Til þess verður stuðst við þrjár kenningar úr stjórnmálafræði. Þær eru, kjarnræðiskenningar, margræðiskenningar og kenningar um samráðshyggju. Ritgerðin á að varpa ljósi á stofnanabundið samráð Bændasamtakanna og stjórnvalda við stefnumótun og stefnuframkvæmd í málefnum sem varða hagsmuni aðila í landbúnaði. Niðurstöður ritgerðarinnar sýna fram á að samband Bændasamtaka Íslands og stjórnvalda beri ýmis einkenni samráðshyggju.