is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34418

Titill: 
  • Samanburður á lífsgæðum einstaklinga sem fengið hafa heilablóðfall með og án málstols á Íslandi
Námsstig: 
  • Meistara
Efnisorð: 
Útdráttur: 
  • Afleiðingar heilablóðfalls eru margvíslegar og fara eftir staðsetningu og stærð heilaskaðans. Um þriðjungur þeirra sem fá heilablóðfall fá málstol í kjölfarið og þurfa á meðferð talmeinafræðings að halda, ásamt annarri endurhæfingu. Jafnvel þó einstaklingar mælist með væg taugafræðileg einkenni geta afleiðingarnar haft mikil áhrif á daglegt líf þeirra og lífsgæði. Eitt meginmarkmið með endurhæfingu er að auka lífsgæði fólks en rannsóknir benda til þess að heilsutengd lífsgæði skerðist til lengri tíma í kjölfar heilablóðfalls, og sérstaklega meðal þeirra sem fá málstol. Þátttaka í flóknari athöfnum daglegs lífs, eins og félagslífi, tómstundum og atvinnu, skerðist einnig oft eftir heilablóðfall, sérstaklega meðal einstaklinga með málstol.
    Markmið með rannsókninni var að skoða hvernig heilsutengd lífsgæði einstaklinga á Íslandi eru til lengri tíma eftir heilablóðfall og bera saman heilsutengd lífsgæði þeirra sem fá málstol miðað við þá sem fá ekki málstol. Einnig að skoða hvort einstaklingar sem fá málstol taki jafn oft þátt í flóknari athöfnum daglegs lífs og þeir sem fá ekki málstol. Loks að skoða hvort fylgni sé á milli heilsutengdra lífsgæða og þátttöku í flóknari athöfnum daglegs lífs eftir heilablóðfall.

Samþykkt: 
  • 10.9.2019
URI: 
  • http://hdl.handle.net/1946/34418


Skrár
Skráarnafn Stærð AðgangurLýsingSkráartegund 
Samanburður á lífsgæðum einstaklinga sem fengið hafa heilablóðfall með og án málstols á Íslandi.pdf2.52 MBLokaður til...18.09.2020HeildartextiPDF
20190910T153636.pdf298.93 kBLokaðurYfirlýsingPDF