is Íslenska en English

Lokaverkefni (Bakkalár)

Háskóli Íslands > Verkfræði- og náttúruvísindasvið > B.S. verkefni - Verkfræði- og náttúruvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34486

Titill: 
  • Áhrif ílagsgagna á niðurstöður sýnileikagreininga. Sýnileikasvið fyrirhugaðra vindmyllugarða ofan Garpdals og Búrfells greint
Námsstig: 
  • Bakkalár
Útdráttur: 
  • Vaxandi áhugi hefur verið á vindorkuverum í heiminum samhliða hraðri þróun í tækni hvað hana varðar. Nú þegar er vindurinn töluvert nýttur til raforkuframleiðslu í Evrópu en á Íslandi er aðeins 0,04% raforkunnar framleidd með vindi. Mikill áhugi er þó fyrir því að auka þá hlutdeild, sérstaklega í ljósi þess að kostnaður við virkjun vindsins hefur farið hratt lækkandi, en flestir hagkvæmustu virkjunarkostir í vatnsföllum og jarðhita hafa þegar verið nýttir. Ein helsta áskorun vindorkunnar eru áhrif vindmyllugarða á ásýnd landslags. Sýnileikasvið vindmylla má setja fram með sýnileikakortum þar sem fræðilegur sýnileiki mannvirkja á borð við vindmyllur er metinn. Mikilvægt er að við gerð slíkra korta sé vandað til verka og gögn valin vandlega svo hægt sé að gefa sem réttasta mynd af raunveruleikanum. Kort segir aldrei meira en gögnin á bak við það gefa tilefni til. Í þessari ritgerð eru bornar saman slíkar greiningar á sýnileikasviði miðað við mismunandi ílagsgögn. Gerðar voru sýnileikagreiningar með mismunandi upplausn hæðarlíkana í ArcGIS, annars vegar ArcticDEM hæðarlíkani í 2 metra upplausn og hins vegar hæðarlíkani frá Landmælingum Íslands í 25 metra upplausn myndeininga og þær bornar saman. Þá eru á sama hátt bornar saman greiningar með mismunandi ljósbrotsstuðul. Niðurstöður sýna að töluverður munur getur verið á sýnileikasviði eftir upplausn hæðargagna. Áhrif ljósbrots fara vaxandi eftir því sem fjær dregur mannvirkjum.

Samþykkt: 
  • 30.9.2019
URI: 
  • http://hdl.handle.net/1946/34486


Skrár
Skráarnafn Stærð AðgangurLýsingSkráartegund 
Áhrif ílagsgagna á niðurstöður sýnileikagreininga - Sýnileikasvið fyrirhugaðra vindmyllugarða ofan Garpdals og Búrfells greint.pdf5.06 MBOpinnHeildartextiPDFSkoða/Opna
yfirlýsing.pdf1.35 MBLokaðurYfirlýsingPDF