en English is Íslenska

Thesis (Master's)

University of Iceland > Heilbrigðisvísindasvið > Meistaraprófsritgerðir - Heilbrigðisvísindasvið >

Please use this identifier to cite or link to this item: http://hdl.handle.net/1946/34515

Title: 
  • Title is in Icelandic Áhrif fótastöðu á kiðvægi hnés við að lenda úr fallhoppi. Þversniðsrannsókn á ungum íþróttabörnum
Degree: 
  • Master's
Abstract: 
  • Abstract is in Icelandic

    Inngangur: Veruleg aukning hefur verið á fremri krossbandaslitum (FK) undanfarna áratugi en áhrif þeirra geta haft gríðarlegar afleiðingar þar sem einungis hluti einstaklinga sem fyrir meiðslunum verða snúa aftur til íþrótta á fyrra getustigi. Þá standa einstaklingar einnig frammi fyrir alvarlegum afleiðingum eins og verkjum og auknum líkum á slitgigt hnés. Rannsóknir hafa tengt aukna kiðstöðu og aukið kiðvægi sem áhættuþætti fyrir FK en nýverið hafa komið fram rannsóknir sem benda til þess að fótastaða hafi tengsl við áðurnefnda áhættuþætti við að lenda úr stökki. Markmið þessarar rannsóknar var því að kanna tengsl fótastöðu við hámarks kiðvægi einstaklinga innan 100 ms frá fyrstu snertingu við að lenda úr fallhoppi sem er innan þess tímaramma sem slíkir áverkar eru taldir eiga sér stað.
    Aðferð: 260 íþróttadrengir og stúlkur á aldrinum 10-12 ára (handbolta- og/eða fótboltaiðkendur) framkvæmdu fimm fallhopp, fóru í gegnum staðlaða þreytuíhlutun og framkvæmdu fimm fallhopp til viðbótar. Framkvæmd téðra fallhoppa var fönguð í þrívídd með átta háhraða Qualisys myndavélum og tveimur kraftplötum sem söfnuðu gögnum um gagnkraft jarðar. Gögn þessi fóru svo til frekari úrvinnslu í Visual3D þar sem reiknaðar voru og fundnar þær breytur sem þurfti til tölfræðiúrvinnslu. Við tölfræðiúrvinnslu voru könnuð tengsl einstakra breyta með línulegri aðhvarfsgreiningu og síðar breytum raðað í blandað líkan dreifnigreiningar þar sem marktektarmörk voru sett við 0,05.
    Niðurstöður: Tölfræðilega marktæk (p=<0,0001) megináhrif fundust á fótastöðu í þversniði við hæl í gólf í kjölfar fyrstu snertingar við að lenda úr fallhoppi á hámarks kiðvægi hnés innan 100 ms frá fyrstu snertingu. Tölfræðilega marktæk (p=<0,0001) víxlhrif fundust á ökkla- og hnéhornum í breiðsniði á tímapunkti hæsta hámarks kiðvægis innan 100 ms frá fyrstu snertingu við að lenda úr fallhoppi.
    Ályktun: Meira innskeif fótastaða við að lenda úr fallhoppi tengist hærra kiðvægi hnés ásamt því að lenda úr fallhoppi með kiðstöðu ökkla og hnés tengist einnig hærra kiðvægi hnés. Áhrif þessi voru þó smá og óvíst hvort þau hafi klínískt mikilvægi með tilliti til FK. Best væri þó ef ungir krakkar varist að lenda úr fallhoppi með mikið innskeifa fótastöðu.

Accepted: 
  • Oct 14, 2019
URI: 
  • http://hdl.handle.net/1946/34515


Files in This Item:
Filename Size VisibilityDescriptionFormat 
Þorsteinn Viðar_Master Thesis.pdf728.63 kBOpenComplete TextPDFView/Open
Yfirlýsing um meðferð lokaverkefnis.pdf439.69 kBLockedDeclaration of AccessPDF