is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34539

Titill: 
  • „Menn ættu að velja skóla sem hentar eftir því hversu sterkir námsmenn þeir eru“ : breytingar á starfsaðstæðum bóknámskennara og stjórnenda í framhaldsskólum
  • Titill er á ensku Professional working conditions in Icelandic upper-secondary schools during the last twenty years : perspectives of teachers and governors
Námsstig: 
  • Meistara
Útdráttur: 
  • Framan af var framhaldsskólamenntun til stúdentsprófs aðeins fyrir fáa útvalda úr efri lögum samfélagsins. Með tímanum jókst aðgengið og nú er framhaldsskólum á Íslandi skylt að mennta öll ungmenni undir 18 ára aldri sem lokið hafa grunnskólaprófi. Stór hluti þeirra þreytir stúdentspróf. Nám til stúdentsprófs hefur þróast og breyst undanfarna áratugi og þar kemur ekki eingöngu til stækkandi og fjölbreyttari hópur nemenda sem sækja framhaldsskólann heldur ekki síður tilteknir alþjóðlegir menntastraumar og samfélagsbreytingar sem hafa sett mark sitt á kerfið. Þessar breytingar hafa snert framhaldsskólana og starfsaðstæður innan hvers þeirra en þó með misjöfnum hætti. Markmið þessarar rannsóknar var að kanna starfsaðstæður framhaldsskólakennara og
    -stjórnenda.; a) hvort og þá hvernig þær hefðu breyst á 20 ára tímabili, b) hvort og þá hvernig hugmyndir viðmælenda mörkuðust af markaðsstöðu skólanna og ólíku félagslegu samhengi þeirra c) hvort munur væri á upplifun kennara annars vegar og stjórnenda hins vegar. Rannsóknin byggðist á einstaklingsviðtölum við átta reynda kennara og stjórnendur í fjórum íslenskum framhaldsskólum. Val á framhaldsskólum í rannsókninni miðaðist við skóla með ýmist hátt eða lágt höfnunarhlutfall við inntöku. Í ljós kom verulegur munur milli skóla eftir höfnunarhlutfalli í þó nokkrum þáttum. Stefnubreytingar stjórnvalda varðandi styttingu og fræðsluskyldu orkuðu ólíkt á skóla eftir markaðsstöðu þeirra þó að allir viðmælendur hafi verið neikvæðir gagnvart henni. Félagslíf nemenda í skólum með lágt höfnunarhlutfall hafði einnig breyst meira en hinna. Hins vegar voru aðrar breytingar sem orkuðu með svipuðum hætti á viðmælendur, eins og virðing námsgreina, aukið álag og foreldrasamstarf og almenn ánægja með hækkun sjálfræðisaldurs. Munur á skoðunum og viðhorfum kennara og stjórnenda var lítill og frekar að skoðanir væru skiptar milli skóla en milli viðmælenda innan sama skóla.

Samþykkt: 
  • 29.10.2019
URI: 
  • http://hdl.handle.net/1946/34539


Skrár
Skráarnafn Stærð AðgangurLýsingSkráartegund 
AsgerdurBergsdottir_skemman_yfirlysing_lokaverkefni_29.03.16.pdf208.29 kBLokaðurYfirlýsingPDF
ASB-Seinni_lokaskil-sept2019.pdf1.26 MBOpinnHeildartextiPDFSkoða/Opna