is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34553

Titill: 
  • "Maður upplifir bara að maður eigi að vera allt í öllu" : reynsla aðstoðarskólastjóra í Reykjavík af hlutverki sínu og stöðu
  • Titill er á ensku "You just feel like you should be doing everything" : experiences of assistant principals in Reykjavík of their role and status
Námsstig: 
  • Meistara
Útdráttur: 
  • Niðurstöður rannsókna á erlendum vettvangi sýna að hlutverk aðstoðarskólastjóra í stjórnun og forystu skóla stækkar eftir því sem kröfur um árangur nemenda aukast og skólastarf verður flóknara. Einnig benda rannsóknir á hversu margþætt og brotakennt hlutverk aðstoðarskólastjóra er. Þeir mæta oft miklum áskorunum í starfinu og margir upplifa að hlutverk þeirra sé óljóst og illa skilgreint. Markmið rannsóknarinnar er að varpa ljósi á upplifun aðstoðarskólastjóra í Reykjavík af hlutverki sínu og þeirri stöðu sem þeir hafa innan skólanna, auk þess að kanna hvaða stuðning þeir hafa í starfinu og hvaðan sá stuðningur kemur. Rannsóknin byggir á hálf opnum viðtölum við átta aðstoðarskólastjóra í grunnskólum Reykjavíkur, sem valdir voru með tilviljanakenndum hætti. Stuðst var við aðferðir túlkandi fyrirbærafræðilegrar greiningar við greiningu rannsóknargagnanna, með það að markmiði að upplifun og reynsla þátttakenda fengi að hljóma sem best í framsetningu niðurstaðna.
    Helstu niðurstöður rannsóknarinnar benda til þess að aðstoðarskólastjórar í Reykjavík sjái sjálfa sig sem stjórnendur skóla, fremur en faglega leiðtoga. Enda fer mestur tími þeirra í daglega stjórnun skólans, svo sem að leysa úr forföllum starfsfólks og koma að úrlausnum ýmissa mála er snúa að nemendum og starfsfólki. Aðstoðarskólastjórarnir vildu gjarnan geta sinnt faglegri forystu í meira mæli en þeir gera, en upplifðu að í erli dagsins gefist þeim fá færi á slíkri forystu. Aðstoðarskólastjórarnir hafa góða trú á færni sinni til starfsins og eru ánægðir í starfi. Þeir hafa almennt góðan stuðning frá nánasta samstarfsfólki en hafa þörf fyrir meiri samskipti og samstarf við aðra aðstoðarskólastjóra. Auk þess er mikilvægt að þeir hafi aðgang að handleiðslu fagaðila til þess að takast á við og vinna úr erfiðum verkefnum sem þeir mæta í starfi sínu. Niðurstöðurnar varpa ljósi á mikilvægi þess að huga vel að starfsumhverfi aðstoðarskólastjóra, skýra hlutverk þeirra og gefa þeim svigrúm til að sinna hlutverki sínu sem faglegir leiðtogar jafnframt því að vera stjórnendur í skólum.

  • Útdráttur er á ensku

    Research from abroad have shown that the role of assistant principals in administration and leadership is growing in relation to increased school complexity and greater demands regarding student achievement. Many scholars highlight how assistant principals´ role is multifaceted and they face many challenges on the job, and many assistant principals experience that their role is unclear and poorly defined. The aim of this study is to shed a light on how assistant principals in primary schools in Reykjavík experience their role and status within the schools and what support is available to them. The study is based on indepth semistructured interviews with eight assistant principals in primary schools in Reykjavík, who where randomly selected. Data was analyzed using the methods of interperative phenomenology, in the purpose of having the voices of the participants stated clearly in the results.
    The main findings of the study indicate that assistant principals in Reykjavík see themselves as school managers, rather than leaders, with most of their time spent on dayto-day management of the school, such as resolving the staff's absence and addressing various issues related to students and staff. The assistant principals wish they could spend more time on educational leadership, but they feel they are not able to find the time in all the hustle and bustle of the workday. The assistant principals have good faith in their ability to succeed at their job and are satisfied by their everyday tasks. They generally have good support from their closest colleagues, but have the need for more interaction and collaboration with other assistant principals. In addition, it is important that they have access to professional supervision to help them deal with difficult challenges they face on the job. The findings shed light on the importance of paying close attention to the working environment of assistant principals, clarifying their roles and giving them the chance to fulfill their role as educational leaders as well as school managers.

Samþykkt: 
  • 29.10.2019
URI: 
  • http://hdl.handle.net/1946/34553


Skrár
Skráarnafn Stærð AðgangurLýsingSkráartegund 
Dora_Margret_Sigurdardottir_MEd.pdf864.79 kBLokaður til...01.10.2021HeildartextiPDF
yfirlýsing v. lokaverkefnis Dóra Margrét Sigurðardóttir.jpeg900.74 kBLokaðurYfirlýsingJPG