Efnismarkaðssetning. Fræðileg greining og miðlun fræðsluefnis um vefmál

Abstract

Verkefni þetta er tvíþætt lokaverkefni til M.A. prófs í hagnýtri menningarmiðlun. Annars vegar greinagerð og hins vegar miðlunarhluti.Unnið var út frá eftirfarandi rannsóknarspurningu: „Mikilvægi efnismarkaðssetningar fyrir fyrirtæki. Hvernig getur nýtt ráðgjafafyrirtæki í stafrænni þjónustu aukið sýnileika sinn og arðbærni aðgerða viðskiptavina með því að miðla fræðslu til almennings?"Í greinagerð verður farið yfir skilgreiningar, hugtök og kenningar efnismarkaðssetningar. Auk þess verður farið yfir upphaf efnismarkaðssetningar, þau áhrif sem internetið hefur haft og mismunandi birtingarform skoðuð.Miðlunarhluti skiptist í tvo hluta, annars vegar þarfagreiningu og hinsvegar miðlunarleið. Í miðlunarleið var framleitt fræðsluefni um vefmál á íslensku, en megin markmið fræðsluefnisins er að auka traust og þekkingu einstaklinga á fyrirtækinu Kóral vefráðgjöf, sem er ráðgjafafyrirtæki á sviði stafrænnar miðlunar. Fræðsluefnið mun þar af leiðandi vera form af efnismarkaðssetningu fyrir þetta tiltekna fyrirtæki. Áður en farið var út í efnissköpun var gerð þarfagreining. Niðurstöður þarfagreiningarinnar voru nýttar til að endurmóta upprunalega hugmynd að miðlunarleið, ákveða eðli efnis og hvernig það yrði sett fram. Í þarfagreiningu kom fram að áhugi og þörf er fyrir fræðsluefni um vefmál á íslensku og þá sérstaklega hvað felst í undirbúningsvinnu áður en hafist er handa við uppsetningu á vefsíðu. Niðurstöður greinagerðar leiddu í ljós að skilvirkni (e. return on investment) efnismarkaðssetningar er góð og að fræðsluefni hentar vel sem form af efnismarkaðssetningu fyrir ráðgjafafyrirtæki. Miðlunarhluti og þarfagreining var unnin í samvinnu við Erlu Dröfn Rúnarsdóttur meistaranema en greinargerðin var unnin af höfundi.