Eftirlit dómstóla með framkvæmdavaldinu: Umfang endurskoðunarvalds dómstóla á matskenndum stjórnvaldsákvörðunum

Abstract

Í þessari ritgerð verður leitast við að varpa ljósi á, í stuttu máli, hvert sé umfang endurskoðunarvalds dómstóla á matskenndum stjórnvaldsákvörðunum. Aðaláherslan verður á með hvaða hætti dómstólar endurskoða matskenndar stjórnvaldsákvarðanir þegar álitaefni tengd þeim koma þar til úrlausnar. Í upphafi verður lauslega farið yfir grundvöll endurskoðunarvaldsins, á hvaða stoðum það byggir og hvernig því er háttað í íslenskri stjórnskipan. Svo verður vikið að helstu atriðum er varða stjórnvaldsákvarðanir áður en ráðist verður í að varpa ljósi á hvaða þætti dómstólar líta til við endurskoðun á slíkum ákvörðunum auk þess sem fjallað verður um takmarkanir á endurskoðunarvaldi dómstóla. Að lokum verður svo vikið að áhrifum þess að ákvörðun sé dæmd ógild áður en efni ritgerðarinnar verður dregið saman stuttlega.