is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34635

Titill: 
  • Riftun vátryggingasamninga. Skaðatryggingar
Námsstig: 
  • Bakkalár
Útdráttur: 
  • Hér verður fjallað um reglur laga um vátryggingarsamninga nr. 30/2004, með síðari breytingum (hér eftir skammstöfuð vsl.), sem lúta að uppsögn eða slitum vátryggingafélags á vátryggingarsamningi, eins og það er orðað í lögunum.
    Um er að ræða þrjú ákvæði. Í fyrsta lagi 2. málsl. 1. mgr. 15. gr., sem heimilar félaginu uppsögn vegna sérstakra atvika sem skýrlega eru tilgreind í vátryggingarsamningi, enda megi telja uppsögnina sanngjarna. Í öðru lagi 21. gr., sem heimilar félaginu riftun vegna rangra eða ófullnægjandi upplýsinga, eða svika. Í þriðja lagi 3. mgr. 47. gr., sem heimilar félaginu riftun vegna svika, í tengslum við uppgjör bóta.
    Fyrri tilgáta höfundar er sú, að hér sé í raun um riftun að ræða, í skilningi kröfuréttar, þrátt fyrir að það orðalag sé ekki notað í vsl. Ljóst er að meginregla kröfuréttar er sú, að tímabundnum samningum, eins og vátryggingarsamningar eru oft, verður almennt ekki slitið á samningstímanum. Umrædd ákvæði lúta að viðbrögðum vátryggingafélaga við vanefnd vátryggjanda eða vátryggðs á vátryggingarsamningnum. Sú staðreynd styður tilgátuna, enda er riftun vanefndaúrræði, sem beita má að uppfylltum ákveðnum skilyrðum.
    Seinni tilgáta höfundar er sú, að reglan um trúnaðarskyldu, ógildingarrreglur samningaréttar og riftunarreglur kröfuréttar, leiða til mjög svipaðrar niðurstöðu og reglur vsl. Enda eru þau ákvæði vsl., sem til umfjöllunar eru, vísireglur. Því er ljóst fyrirfram, að stöðluð ákvæði vátryggingaskilmála, verða túlkuð í ljósi þessara vísireglna vsl., því lögin eru að meginstefnu til ófrávíkjanleg. En vísireglurnar þarfnast, eðli sínu samkvæmt, einnig túlkunar í hverju tilviki fyrir sig, en við þá túlkun hafa framangreindar meginreglur samninga- og kröfuréttar, verulegt vægi.
    Til að afmarka efnistökin, verður eingöngu fjallað um skaðatryggingar en ekki persónutryggingar.

Samþykkt: 
  • 16.12.2019
URI: 
  • http://hdl.handle.net/1946/34635


Skrár
Skráarnafn Stærð AðgangurLýsingSkráartegund 
BA_LOKAÚTGÁFA.pdf373.51 kBOpinnMeginmálPDFSkoða/Opna
Skemman_yfirlysing.pdf644.33 kBLokaðurYfirlýsingPDF
Sniðmát forsíða BA-ritgerðir.leiðrétt.pdf162.85 kBOpinnForsíðaPDFSkoða/Opna