Lífsleikni og útikennsla : fræðileg umfjöllun um lífsleikni og útikennslu, rannsókn meðal lífsleiknikennara og hugmyndabanki

Abstract

Útikennsla er aðferð sem auðvelt er að nota á Íslandi. Nemendur upplifa náttúruna á heilbrigðan hátt og geta með því tengt nám sitt við raunveruleikann. Í ljós hefur einnig komið að með útikennslu er líklegra að nemendur verði ánægðari og að námið skili árangri. Í þessu lokaverkefni er fjallað um útikennslu og útinám og samþættingu þess við lífsleikni. Verkefnið er þríþætt. Fyrsti hlutinn er fræðileg umfjöllun um útikennslu, útinám og lífsleikni. Í öðrum hluta er gert grein fyrir rannsókn sem gerð var meðal lífsleiknikennara á Íslandi um notkun þeirra og viðhorf til útikennslu. Þriðji hlutinn er svo hugmyndabanki að útileikjum sem hafa markmið lífsleikninnar að leiðarljósi. Markmið verkefnisins var allt í senn að rýna í fræðin, athuga hvað sé að gerast á vettvangi og koma með leiðir til úrbóta. Verkefnið hentar helst lífsleiknikennurum og nemendum sem hafa áhuga á útikennslu og vilja nýta sér verkefni tengd henni.Lykilorð: Útinám.