is Íslenska en English

Lokaverkefni (Meistara)

Háskólinn í Reykjavík > Samfélagssvið / School of Social Sciences > ML Lagadeild / Department of Law >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34687

Titill: 
  • Einkaréttarleg úrræði vegna markaðsmisnotkunar
  • Titill er á ensku Private enforcement of market manipulation
Námsstig: 
  • Meistara
Útdráttur: 
  • Erfitt er að telja upp með tæmandi hætti birtingarmynd brota gegn banni við markaðsmisnotkun og það tjón sem getur myndast í kjölfarið. Í íslenskum lögum er ekki að finna fyrirfram ákveðna leið um það hvernig fjárfestar skuli bera sig að þegar þeir telja sig hafa orðið fyrir fjártjóni sökum markaðsmisnotkunar. Markmið ritgerðarinnar er því að greina hver séu þau einkaréttarlegu úrræði sem standa tjónþolum til boða vegna markaðsmisnotkunar. Rannsóknarspurning ritgerðarinnar er hvort skaðabætur utan samninga sé hagnýtasta úrræðið fyrir tjónþola til að fá tjón sitt bætt vegna markaðsmisnotkunar.
    Niðurstöður við greiningu á því réttarsambandi sem getur myndast milli tjónþola og brotamanns sýna að litlar líkur eru að samningssamband teljist hafa stofnast milli aðila. Stafar það af eðli viðskipta á skipulegum verðbréfamörkuðum og markaðstorgum fjármálagerninga. Rökstutt er að tjónþoli geti ekki valið úrræði skaðabóta utan samninga þegar hann hefur ráðstafað hagsmunum sínum með samningi. Í þeim tilfellum verður tjónþoli að velja úrræði samningaréttar eða eftir atvikum kröfuréttar.
    Helstu niðurstöður sýna að úrræði samninga- og kröfuréttar sé aðeins hægt að beita í takmarka tilvikum, en veita þó tjónþolum möguleika á að leita réttar síns telji þeir sig hafa orðið fyrir skaða af völdum markaðsmisnotkunar. Skaðabætur utan samninga er það úrræði sem tjónþolar myndu í flestum tilvikum reiða sig á. Hins vegar eins og sýnt er fram á er sönnunarstaða tjónþola afar þungbær þegar kemur að skilyrðum skaðabótaábyrgðar. Sérstaklega þegar kemur að sönnun um saknæmi, orsakatengslum og umfangi tjóns.
    Lagaumhverfi fjárfesta á fjármálamörkuðum gerir það að verkum að erfitt er að sækja bætur fyrir tjón af völdum markaðsmisnotkunar, fræðilega séð er það hins vegar hægt. Tryggja mætti réttarstöðu tjónþola með frekari lagasetningu. Hagnýt og virk einkaréttarleg úrræði eru mikilvæg viðbót við refsiviðurlög af hálfu hins opinbera í framfylgd laga gegn markaðsmisnotkun.

  • Útdráttur er á ensku

    It is difficult to provide an exhaustive list of the manifestations of market manipulation and the damages caused by it. Icelandic law does not provide any guidance on how to seek compensation for investors who have sustained damages as a result of market manipulation. Therefore, the purpose of this thesis is to analyse the relevant private enforcements which are available to victims of market manipulation. It is hypothesized that the application of tort law is the most appropriate and effective private action for investors to recover damages for market manipulation.
    The results of the analysis of possible legal relationships between an investor and a manipulator indicate low probabilities of a direct contractual agreement existing between the parties. This stems from the nature of trading in regulated markets and multilateral trading facilities. It is argued that the investor cannot establish liability under the law of tort if he has disposed of his interest with a binding contract. In those cases, the investor must choose private action under the law of obligations or contract law.
    The main conclusions show that action under the law of obligations or contracts is only applicable in limited circumstances, although they provide an option for an aggrieved investor to seek compensation from a contracting party. Liability under the law of tort is the remedy that is appropriate for most investors. However, it is demonstrated that the burden of proof in establishing tortious liability is fraught with difficulties. Especially concerning the proof of culpability, causation and quantification of damages.
    The legal environment in which investors operate in, makes it hard for them to claim compensation for damages caused by market manipulation, however in theory it can be done. Further legislation is needed to ensure effective private enforcement. Practical and effective private actions are an essential supplementary tool to public enforcement in the role of ensuring protection against market manipulation.

Samþykkt: 
  • 7.1.2020
URI: 
  • http://hdl.handle.net/1946/34687


Skrár
Skráarnafn Stærð AðgangurLýsingSkráartegund 
ML-ritgerð Guðmundur Magnússon.pdf715.6 kBOpinnHeildartextiPDFSkoða/Opna
gudmundMLld.pdf422.29 kBOpinnBeiðni um lokunPDFSkoða/Opna