is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34704

Titill: 
  • Skógrækt til bindingar: Hagkvæmni þess að binda kolefni með því að breyta beitilandi í skógrækt
  • Titill er á ensku Sequestration by forestry: The cost-effectiveness of sequestering carbon by converting grazing lands into forests
Námsstig: 
  • Bakkalár
Útdráttur: 
  • Loftslagsbreytingar sökum kolefnislosunar eru eitt af stærstu vandamálum sem nútímasamfélag horfir fram á. Um 75% af allri kolefnislosun á Íslandi á sér stað vegna breytingar í kolefnisforða jarðvegs. Ritgerðin kannar hagkvæmni þess að breyta illa förnu mólendi á afréttum í skógrækt í þeim tilgangi að minnka kolefnislosun og endurbinda kolefni í jarðveginum.
    Gerð var úttekt á stofnanaramma og efnahagslegri stöðu íslenskrar sauðfjárræktar og skógræktar auk þeirra ytri áhrifa sem báðar greinar valda. Báðar greinar eru styrktar af ríkisvaldi og gætu ekki staðið á eigin fótum án þess. Gögn benda til þess að hagkvæmt væri að minnka sauðfjárrækt en erfiðara er að meta hvort það sama eigi við um skógrækt. Þegar litið er til kolefnislosunar frá landnýtingu má sjá að illa farið mólendi tapar hluta af kolefnisforða sínum árlega en skógar binda kolefni í honum þegar þeir vaxa.
    Tímatengt velferðarhámörkunarlíkan var smíðað í þeim tilgangi að finna skilyrði fyrir hagkvæmni þess að fjárfesta í skóglendi á illa förnu mólendi. Skoðuð voru þrjú tilvik sem notuðu mismunandi trjátegundir fyrir skógræktina, lerki, birki og sitkagreni. Niðurstöður líkansins sýndu fram á að fyrir lerki- og sitkagreniskóga vó ávinningur kolefnisbindingar nægilega á móti fórnarkostnaði fjárfestingar til þess að hagkvæmt væri að fjárfesta í meiri skógrækt þegar jaðarábati af skóglendi er lægri en jaðarkostnaður. Miðað við hagræna stöðu sauðfjárræktar og skógræktar eru því miklar líkur á að hagkvæmt sé að binda kolefni með því að breyta illa förnu mólendi í skógrækt.

Samþykkt: 
  • 7.1.2020
URI: 
  • http://hdl.handle.net/1946/34704


Skrár
Skráarnafn Stærð AðgangurLýsingSkráartegund 
Skógrækt til bindingar - Kári Kristjánsson.pdf483.6 kBOpinnHeildartextiPDFSkoða/Opna
Skemman_yfirlysing_Kari_Kristjansson.pdf201.25 kBLokaðurYfirlýsingPDF