is Íslenska en English

Lokaverkefni (Meistara)

Háskólinn í Reykjavík > Samfélagssvið / School of Social Sciences > ML Lagadeild / Department of Law >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34739

Titill: 
  • Farbann skv. 1. mgr. 100. gr. laga um meðferð sakamála nr. 88/2008 : hvaða þættir hafa áhrif á mat dómstóla þegar til álita kemur að beita úrræðinu?
Námsstig: 
  • Meistara
Útdráttur: 
  • Ákvæði þess efnis að heimilt sé úrskurða sakborning í farbann er að finna í 1. mgr. 100. gr. laga um meðferð sakamála nr. 88/2008. Úrræðinu er ætlað að tryggja veru sakbornings á landinu á meðan sakamál er til rannsóknar sem og til meðferðar hjá dómstólum. Viðfangsefni þessarar ritgerðar er ætlað að varpa nánara ljósi á skilyrði og beitingu úrræðisins. Ber ritgerðin heitið „Farbann skv. 1. mgr. 100. gr. laga um meðferð sakamála nr. 88/2008. Hvaða þættir hafa áhrif á mat dómstóla þegar til álita kemur að beita úrræðinu?“.
    Í öðrum kafla ritgerðarinnar er fjallað um rannsókn sakamála og þær meginreglur sem gilda við rannsóknina sem og meðferð sakamálsins fyrir dómstólum. Þar sem rannsóknarefnið er þvingunarráðstöfun, er í þriðja kafla fjallað um helstu einkenni þeirra og skilyrði fyrir beitingu þeirra. Einnig er í kaflanum fjallað stuttlega um bætur vegna þvingunarráðstafana. Fjórði kafli inniheldur umfjöllun um gæsluvarðhald og aðrar sambærilegar ráðstafanir sem og skilyrði allra úrræðanna. Í fimmta kafla er farið yfir gildandi reglur um gæsluvarðhald, farbann og sambærileg úrræði á Íslandi, Danmörku og Noregi. Meginefni ritgerðarinnar grundvallast af rannsókn á dómaframkvæmd landanna þriggja, sem fjallað er um í sjötta kafla sem og dómaframkvæmd Mannréttindadómstóls Evrópu, í þeim sjöunda. Rannsóknin leiddi í ljós að uppruni sakbornings vegur þyngst við mat dómstóla þegar til álita kemur að beita farbanni. Einnig að dómstólar hafa gengið langt í mati sínu á að sakborningur hafi tengsl við önnur lönd og að ákæruvaldið þurfi ekki að sýna fram á fullnægjandi sannanir á þeim tengslum sem sakborningur á að hafa við annað land. Var einnig sýnt fram á að dómaframkvæmd í farbannsmálum hérlendis væri í fullu samræmi við ákvæði mannréttindasáttmála Evrópu.

  • Útdráttur er á ensku

    According to the first paragraph in Article 100 of the Criminal Procedure Act no. 88/2008, the accused may be prohibited to leave the country. The resource is intended to ensure the presence of the accused in the country while a criminal case is being investigated and during legal procedure in the court of law. The topic of this thesis is intended to shed more light on the conditions and application of the resource. The paper is entitled "Travel ban according to Paragraph 1 Article 100 of the Criminal Procedure Act no. 88/2008. What factors influence judicial evaluation when considering the use uf the resource? ”.
    The second chapter deals with criminal investigations and the principles that apply as well as the handling of criminal cases in court. The third chapter discusses coercive measures, their main characteristics and conditions for their application. Chapter Four contains a discussion of detention and other similar measures as well as their conditions. The fifth chapter reviews the current rules on detention, travel ban and comparable resources in Iceland, Denmark and Norway. The essence of the thesis is based on a study of the three countries case law, discussed in chapter six as well as the case law of the European Court of Human Rights, in the seventh. The study found that the origin of the accused weighs most on the judicial review when it comes to detention. Also, the courts have reached quite far in their assessment that the accused has links with other countries and that the prosecution does not have to provide sufficient evidence of the relationship that the accused has with another country. It was also shown that judicial proceedings in the national courts in Iceland were in full compliance with the provisions of the European Convention on Human Rights.

Samþykkt: 
  • 8.1.2020
URI: 
  • http://hdl.handle.net/1946/34739


Skrár
Skráarnafn Stærð AðgangurLýsingSkráartegund 
ML ritgerð - Farbann skv. 1. mgr. 100. gr. laga um meðferð sakamála.pdf659.1 kBOpinnHeildartextiPDFSkoða/Opna