Markmið og hlutverk Frístundaskóla Reykjanesbæjar og samnýting nærsamfélagsins í þágu starfsins : þróunarverkefni í Akurskjóli rakið ásamt mati og tillögu að úrbótum

Abstract

Hlutverk og markmið Frístundaskóla Reykjanesbæjar hafa verið ólík frá því hann hóf göngu sína sem heilsdagsskóli haustið 1998 til dagsins í dag. Helstu markmið með starfi Frístundaskóla Reykjanesbæjar er að mæta þörfum foreldra og barna í 1. – 4. bekk ásamt því að gefa öllum börnum kost á því að sækja faglegt frístundaskólastarf eftir að hefðbundnum skóladegi líkur. Faglegt frístundaskólastarf kallar á fagmenntað starfsfólk til að starfa með börnunum og góða aðstöðu fyrir starfið innan veggja skólanna. Frístundaskólinn Akurskjól í Akurskóla setti af stað þróunarverkefni skólaárið 2009-2010 þar sem lögð er áhersla á að samnýta nærsamfélagið. Í verkefninu kemur m.a. fram framkvæmd verkefnisins og mat á verkefninu. Niðurstöður verða metnar ásamt tillögum að úrbótum.