is Íslenska en English

Lokaverkefni Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3481

Titill: 
  • Starfshvatatengdar aðferðir lykilstjórnenda fyrirmyndarfyrirtækja. Eigindleg rannsókn
Útdráttur: 
  • Rannsóknin tekur fyrir starfshvatatengdar aðferðir lykilstjórnenda í átta íslenskum fyrirtækjum sem hafa mælst með mikla starfsánægju, svokölluðum fyrirmyndarfyrirtækjum VR. Rannsóknin er eigindleg viðtalsrannsókn, þar sem starfshvatatengdar aðferðir átta lykilstjórnenda eru kynntar í tengslum við sjö starfsánægjuþætti, sem voru grundvöllur starfsánægjukönnunar VR árið 2008.
    Skoðaðar eru aðferðir stjórnendanna í ljósi þess að fjölmargar rannsóknir hafa sýnt fram á mikil og jákvæð tengsl á milli starfshvatningar og starfsánægju. Þá hafa rannsóknir leitt það í ljós að þáttur stjórnunar hefur meðal annars áhrif á starfsánægju innan fyrirtækja. Rannsóknin er því hugsuð sem yfirlit fyrir þá stjórnendur sem vilja draga lærdóm af starfshvatatengdum aðferðum lykilstjórnenda farsælla fyrirtækja í tengslum við grundvallarþætti starfsánægju.
    Helstu niðurstöður rannsóknarinnar eru þær að starfshvatatengdar aðferðir stjórnenda fyrirmyndarfyrirtækjanna átta eru í samræmi við niðurstöður fjölda rannsókna og fræðilegrar umræðu varðandi hvatningu og ánægju starfsmanna á vinnustað. Þættir sem eru lykilatriði í stjórnun fyrirtækja sem ætla að ná árangri og samkeppnisforskoti á markaði.
    Niðurstaðan bendir til þess að starfshvatatengdar aðferðir lykilstjórnenda gefi vísbendingar varðandi þá starfsánægju sem ríkir innan fyrirtækis. Niðurstaða sem gæti útskýrt að hluta til þann góða árangur sem fyrirmyndarfyrirtækin náðu í starfsánægjukönnun VR árið 2008.

Samþykkt: 
  • 25.8.2009
URI: 
  • http://hdl.handle.net/1946/3481


Skrár
Skráarnafn Stærð AðgangurLýsingSkráartegund 
Olafur_H_Hardarson_fixed.pdf669.85 kBOpinnHeildartextiPDFSkoða/Opna