is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/34832

Titill: 
  • Jón Steingrímsson og útdeiling styrkfjár sumarið 1784
Námsstig: 
  • Bakkalár
Leiðbeinandi: 
Útdráttur: 
  • Í ritgerðinni er fjallað um vandræði sem séra Jón Steingrímsson, prófastur í Skaftafellsþingum, lenti í sumarið 1784. Jóni var falið af stiftamtmanni að flytja innsiglaðan peningaböggul til sýslumannsins í Vestur-Skaftafellssýslu til neyðarhjálpar vegna Skaftárelda. Pakkinn var opnaður á leiðinni, úr honum var skammtað fé og vegna þess komst Jón í mikil vandræði. Til þessa hefur umfjöllun um málið einvörðungu verið höfð eftir sjálfsævisögu Jóns. Í ritgerðinni er málið, aðdragandi þess og eftirmál könnuð út frá samtímaheimildum og er markmiðið tvíþætt. Í fyrsta lagi er mál Jóns notað til þess að greina framkvæmd neyðaraðstoðarinnar í móðuharðindunum með hliðsjón af stjórnmálasögu Íslands á seinni hluta átjándu aldar. Í öðru lagi er lagt mat á Jón Steingrímsson sjálfan út frá öðrum ritheimildum en hann samdi sjálfur, en í gegnum tíðina hafa rannsóknir á honum einkum beinst að verkum hans sjálfs. Sýnt er fram á að togstreita og vantraust milli stiftamtmanns, sem fulltrúa miðstjórnarinnar í Kaupmannahöfn, og innlendra embættismanna höfðu gagnger áhrif á framkvæmd neyðarhjálparinnar. Einnig kemur fram að samtímahugmyndir um hagstjórn og löggæslu mótuðu viðbrögð stjórnvalda við broti Jóns og aðgerðum annarra íslenskra embættismanna í neyðarhjálpinni.

Samþykkt: 
  • 10.1.2020
URI: 
  • http://hdl.handle.net/1946/34832


Skrár
Skráarnafn Stærð AðgangurLýsingSkráartegund 
Jón_Kristinn_BA ritgerð 2020.pdf561.63 kBLokaður til...01.01.2040HeildartextiPDF
Yfirlýsing-Jón.pdf46.05 kBLokaðurPDF