Vildarkjör : unnið fyrir Símann hf

Abstract

Ferlið við sölu á vörum og þjónustu til starfsmanna fyrirtækja í viðskiptum við Símann er bæði tímafrekt, flókið og gríðarleg villuhætta er í ferlinu í heild sinni. Eins og staðan er í dag er engin stafræn leið fyrir þjónustufulltrúa Símans til að fletta þeim fyrirtækjum upp sem skráð eru með vildarkjör. Þeir hafa heldur ekki aðgang að starfsmönnum þessara fyrirtækja sem eiga að njóta vildarkjaranna. Mikil tækifæri felast í því að nýta tæknina til að koma þessum viðskiptavinum í sjálfsafgreiðsluferli, þar sem þeir geta nálgast upplýsingar um kjör á vörum og þjónustu í gegnum þjónustuvef,vefverslun eða annað stafrænt viðmót.Verkefnið er liður í því að gera samningsbundin vildarkjör til starfsmanna fyrirtækja í viðskiptum við Símann aðgengileg á sjálfsafgreiðsluvettvangi. Um er að ræða kjör á þjónustu og búnaði í samræmi við gildandi samninga hverju sinni. Verkefnið miðar að því að fækka snertingum í þjónustuveri Símans með því að gera starfmönnum fyrirtækjanna kleift að skrá sig sjálfir í vildarkjörin.